Անգլիական ֆուտբոլում խտրականության ցանկացած դրսևորման համար կսահմանվեն 10-խաղյա որակազրկումներ
Նոր մրցաշրջանից անգլիական ֆուտբոլում խտրականության ցանկացած դրսևորման համար կսահմանվեն 10-խաղյա որակազրկումներ: Այս մասին հաղորդում է BBC-ն:
Աղբյուրի համաձայն՝ Անգլիայի ֆուտբոլային ասոցիացիան մրցաշրջանի մեկնարկից առաջ զգալիորեն խստացրել է պատժամիջոցները ֆուտբոլիստների, մարզիչների և հանդիպման այլ մասնակիցների կողմից թույլ տրված «ծանրացուցիչ խախտումների» համար:
Խոսքը վերաբերում է այնպիսի հակաօրինական վարքագծին, որն ուղղակի կամ անուղղակի կերպով թիրախավորում է անձի՝ էթնիկ ծագումն ու ազգությունը, մաշկի գույնն ու ռասան, կրոնական կամ այլ համոզմունքները, սեռն ու սեռական կողմնորոշումը, ինչպես նաև հաշմանդամությունը:
«Այս զզվելի վարքագծի դեմ պայքարելու համար խստացված միջոցներ են անհրաժեշտ։ Ուստի, պատժամիջոցների վերաբերյալ նորացված ուղեցույցն այժմ պահանջում է, որ կարգապահական հանձնաժողովները նման դեպքերում որպես ստանդարտ պատիժ կիրառեն նվազագույնը 10 խաղով որակազրկում։ Հանձնաժողովները կարող են նաև ավելի խիստ պատիժ սահմանել, եթե գտնեն, որ առկա են ծանրացուցիչ հանգամանքներ»,- նշված է Անգլիայի ֆուտբոլային ասոցիացիայի պաշտոնական հայտարարության մեջ:
Հատկանշական է, որ մեղմացնող հանգամանքների առկայության դեպքում որակազրկման ժամկետը կարող է կրճատվել, սակայն այն չի կարող պակաս լինել վեց հանդիպումից: Իսկ ահա կրկնվող խախտումները կպատժվեն շատ ավելի խիստ, քան նախորդները:
Ուրախ եմ տեղեկացնել, որ սկսում եմ ճանապարհի նոր փուլ․ Հակոբ Արշակյան
Ռեալը կարգապահական վարույթ է սկսել թիմի պաշտպան Ռաուլ Ասենսիոյի դեմ
ՔԿՀ-ում Գագիկ Խաչատրյանի հետ առանձնազրույցի ընթացքում բարձրացված խնդիրների մի մասը ստանում է լուծում...
Արգենտինայում հաջորդ տուրի ֆուտբոլային բոլոր խաղերը 1 րոպեով կընդհատվեն՝ ի պատիվ Մեսիի
ՀՀ բուհերի հեռակա ուսուցման ընդունելության դիմում-հայտերի ընդունումը մեկնարկում է սեպտեմբերի 5-ին
Բարսելոնան ներկայացրել է թիմի վերջնական հայտացուցակն առաջիկա մրցաշրջանի համար
Տեղումներ չեն սպասվում, օդի ջերմաստիճանը կբարձրանա
Ամբրոզիոն` տպավորիչ սև զգեստով և ադամանդե զարդերով
Երևանը կարդում է
Գիտնականները քաղցկեղի բուժման նոր մեթոդներ են փորձարկում