Պուտինի վերջին հայտարարությունները մտահոգել են Թրամփին և Մերկելին

Միացյալ Նահանգների նախագահ Դոնալդ Թրամփն ու Գերմանիայի կանցլեր Անգելա Մերկելը մտահոգություն են հայտնել սպառազինությունների զարգացման մասին Ռուսաստանի նախագահի վերջին հայտարարությունների առնչությամբ: Գերմանիայի կառավարության հաղորդմամբ, երկու առաջնորդներն ընդգծել են, որ այդ զենքերը բացասաբար կազդեն «աշխարհում սպառազինություների վերահսկման ջանքերի վրա»:

Ըստ հաղորդագրության, Դոնալդ Թրամփն ու Անգելա Մերկելը երեկ հեռախոսազրույց են ունեցել այս հարցի շուրջ:

Կրեմլի խոսնակ Դմիտրի Պեսկովը, իր հերթին, հայտարարել է, թե երեկ՝ նախագահ Վլադիմիր Պուտինի ամենամյա ուղերձի ժամանակ ցուցադրված նորագույն զինատեսակները չեն հակասում աշխարհում միջուկային ուժերի հավասարակշռությանը:

«Մեկ այլ երկիր էլ ունի սպառազինություններ, որոնցից Ռուսաստա՛նը չի կարող պաշտպանվել, և հենց դրանով էլ ապահովվում է ուժերի հավասարակշռությունը», - ասել է Պուտինի խոսնակը, առանց մանրամասնելու՝ որ երկրի կամ ինչ զենքերի մասին է խոսքը:

azatutyun.am

Այս թեմայով Թրամփը խոստովանել է, որ ԱՄՆ-ը պետք է վերանայի միգրանտների արտաքսման մոտեցումը Նրանք 47 տարի շարունակ սպանել են անմեղ մարդկանց ամբողջ աշխարհում. Թրամփ Ռուբիոն կուղեկցի Թրամփին Չինաստան՝ չնայած պատժամիջոցներին Թրամփը թույլ է տվել Իրանի վրա հարվածների ինտենսիվությունը 20 անգամ մեծացնել Թրամփի խորհրդականները նրան կոչ են անում «ձեւակերպել Իրանի հետ պատերազմից ԱՄՆ-ի դուրս գալու ծրագիր». WSJ