Գայլերը ոհմակով են շրջում գյուղում. ահազանգ
«Փաստ» օրաթերթը գրում է.
Նախօրեին գայլերը հոշոտել են Լոռու մարզի Դեբեդ համայնքի բնակիչներին պատկանող անասուններին: Հոշոտել են 2 ընտանիքի պատկանող ձիու քուռակ ու ավանակ: Սա այստեղ գայլերի հարձակման միակ դեպքը չէ:
Համայնքի ավագանու անդամ Աշոտ Ղազարյանը «Փաստ»–ին հայտնեց, որ այս տարվա արդեն 7–րդ նման դեպքն է: Նախորդ տարիներին եւս գայլերը բավականին վնասներ են հասցրել գյուղացիներին: Եղանակային բարենպաստ պայմանների հետեւանքով անասունների մեծ մասն այս օրերին արոտավայրերում են գտնվում, եւ հայտնվում գայլերի թիրախում:
«Նկատել ենք, որ գայլերն ահագին ավելացել են, արդեն ոհմակով են շրջում գյուղում: Նախորդ տարիների համեմատ, գյուղացիները նկատել են, որ գայլերն ավելի շատ են սկսել գյուղ մտնել: Պարբերաբար նման դեպքեր լինում են»,– ահազանգեց Դեբեդ համայնքի բնակիչը:
Գայլերի հարձակումից տուժած գյուղացիները որեւէ փոխհատուցում ստանալու խնդրանքով պատկան մարմիններին չեն դիմել: Նախորդ տարիներին էլ գայլերի ու բնական աղետների հետեւանքով գյուղացիները զգալի ֆինանսական կորուստներ են ունեցել, սակայն, փոխհատուցում չի եղել:
«Պատկան կառույցներն ուղղակի տեղյակ են լինում, որ նման դեպք է գրանցվել ու վերջ, դրանով սահմանափակվում են»,– նկատեց ավագանու անդամը:
Դեբեդի բնակիչների խոսքով` պետք է արդյունավետ պայքար մղել գայլերի դեմ, որպեսզի իրենք չկորցնեն ապրուստի միակ միջոցը:
«Համայնքում արդեն քննարկման առարկա է դարձել, թե ինչ քայլեր ձեռնարկել, որպեսզի կարողանանք գայլերի հարձակման դեպքերը նվազեցնել: Միակ արդյունավետ միջոցն այն է, որ պետք է ազատություն տալ որսորդներին, նաեւ խրախուսել, որ դուրս գան որսի եւ գայլերին սպանեն: Գայլերի դեմն անպայման պետք է առնել, հակառակ դեպքում, գյուղացիները կկորցնեն իրենց անասուններին, որը նրանց ապրուստի միակ միջոցն է: Գյուղացիները ոչ մի անգամ կրած վնասի դեմ փոխհատուցում չեն ստացել, նրանք եւս պետք է բողոքեն եւ պահանջատեր լինեն»,– եզրափակեց Աշոտ Ղազարյանը:
Մանրամասները՝ թերթի այսօրվա համարում
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Մասիսում հրդեհի հետևանքով կան զnհեր ու վիրավորներ
Իսրայելը պատրաստվում է Իրանին հասցվելիք ԱՄՆ հնարավոր հարվածին. իսրայելական լրատվամիջոցներ
Մեղավոր է ճանաչվել Ռուսաստանի օգտին լրտեսության մեջ
ԱՄՆ Սենատը հավանություն է տվել Թրամփի ռազմական լիազորությունները սահմանափակող օրինագծին
Վաղարշապատի համայնքային ոստիկանները ձերբակալել են Էջմիածնում դրիֆթ արած վարորդին
Լուիջի Մանջիոնեի արյունարբու երկրպագուհիները բացահայտորեն տոնում են սպանությունը
Ուիթկոֆը շուտով կայցելի Ռուսաստան.Դմիտրիև
Գյումրի քաղաքի որոշ հասցեներում մայիսի 21-ին գազամատակարարումը կդադարեցվի
ՄԻՊ-ն այցելել է զորամաս․ քննարկվել են զինծառայողների իրավունքների պաշտպանությանն առնչվող հարցեր