Ջորջա Մելոնին ռեկորդ է սահմանել

Ջորջա Մելոնիի գլխավորած կառավարությունը Երկրորդ համաշխարհային պատերազմից ի վեր Իտալիայի պատմության մեջ իշխանության ղեկին գտնվելու տևողությամբ ռեկորդ է սահմանել։ Սեպտեմբերի 4-ի դրությամբ այն անընդմեջ գործում է 1414 օր՝ 2022 թվականի սեպտեմբերից ի վեր։ Նախկինում ռեկորդային էր համարվում Սիլվիո Բերլուսկոնիի կառավարության իշխանավարումը 2001–2005 թվականներին։

Տիկին Մելոնին և նրա ծայրահեղ աջակողմյան «Իտալիայի եղբայրներ» կուսակցությունը պատրաստվում են նշել ռեկորդը այսօր՝ սեպտեմբերի 4-ին Իտալիայի հարավում գտնվող Բարի քաղաքում կայանալիք հանրահավաքով։

Հաջորդ խորհրդարանական ընտրությունները Իտալիայում տեղի կունենան ոչ ուշ, քան 2027 թվականի դեկտեմբերին։ Ինչպես գրում է Associated Press (AP) գործակալությունը, «Մելոնիին՝ ուղղամիտ և պրագմատիկ քաղաքական գործչին, հաջողվել է խուսափել ճգնաժամերից և ճամբարափոխություններից, ինչը կործանում էր նախկին կառավարությունները»։