Ընտրակաշառքի համար պատիժը կխստացվի. օրենսդրական նոր նախաձեռնություն
Առաջարկվում է փոփոխություններ կատարել ՀՀ քրեական օրենսգրքի 218-221-րդ հոդվածներում և խստացնել սահմանված պատժաչափերը ընտրակաշառքի տեսքով արտահայտվող հանցագործությունների համար: Նախատեսված պատժի խստացումը լրացուցիչ երաշխիքներ կստեղծի նմանատիպ իրավախախտումների կանխարգելման և նվազեցման համար:
Պատգամավորներ Ալեն Սիմոնյանի, Արուսյակ Ջուլհակյանի, Վահագն Ալեքսանյանի, Ալխաս Ղազարյանի և Թագուհի Ղազարյանի հեղինակած «Հայաստանի Հանրապետության քրեական օրենսգրքում փոփոխություններ և լրացումներ կատարելու մասին» օրենքի նախագիծն առաջին ընթերցմամբ քննարկվել է հուլիսի 2-ին հրավիրված ԱԺ արտահերթ նստաշրջանի ընթացքում:
Հիմնական զեկուցող Վահագն Ալեքսանյանը նշել է, որ անցած ընտրություններին արձանագրվեց, թե ինչպես որոշ ուժեր փորձեցին վերակենդանացնել ընտրակաշառքի էջը, որը, թվում էր, փակվել էր դեռ 2018 թվականին: Առաջարկվող փոփոխություններով նախատեսվում է երկարացնել ազատազրկման ժամկետները ինչպես ընտրակաշառք տվողների ու միջնորդների, այնպես էլ այն վերցնող քաղաքացիների համար: Բացի այդ, նախատեսվում են հատուկ սահմանափակումներ, որոնցով ընտրական հանցագործություններ կատարած անձանց կարգելվի երկար ժամանակով զբաղեցնել պետական, համայնքային կամ հանրային պաշտոններ:
Գլխադասային՝ Պետական-իրավական հարցերի մշտական հանձնաժողովի դրական եզրակացությունը նախագծի վերաբերյալ ներկայացրել է հարակից զեկուցող Ալխաս Ղազարյանը: Նա կոչ է արել կողմ քվեարկել նախագծին:
Հարակից զեկուցող, ՀՀ արդարադատության նախարարի տեղակալ Գևորգ Քոչարյանը մանրամասն ներկայացրել է առաջարկվող կարգավորումները:
Եզրափակիչ ելույթում Ալխաս Ղազարյանը նշել է, որ հանրությունը բազմիցս սեփական փորձով է զգացել ընտրակաշառքի միջոցով տասնյակ տարիներ իշխանությունը զավթածների ապաշնորհ կառավարման հետևանքները: Ըստ նրա՝ հունիսի 7-ին ևս մեկ անգամ փորձ է արվել ֆինանսական միջոցների ներգրավմամբ կրկին զավթել իշխանությունը Հայաստանում, ինչը, սակայն, չի հաջողվել՝ շնորհիվ քաղաքացիների արժանապատիվ, իրավագիտակից, քաղաքականապես հասուն ընտրության? Այս համատեքստում պատգամավորն ընդգծել է ընտրակաշառք առաջարկողների, վերցնողների և միջնորդների համար պատժի խստացման կարևորությունը:
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
Աբդոլլահին նշանակվել է Իրանի զինված ուժերի գլխավոր շտաբի պետ
Շիրակի մարզի որոշ հասցեներում գազ չի լինի
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
Երիտասարդության միջազգային օրվա միջոցառումների ժամանակացույց
Ուիթքոֆ․ Թրամփը Ադրբեջանի և Հայաստանի միջև հակամարտությունը վերածել է խաղաղության հաստատման օրինակել...
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Պրոբացիայի ծառայության նախկին ծառայողը մեղադրվում է 9 մլն դրամի հափշտակության մեջ