Անհրաժեշտ բուժօգնություն ստանալու նպատակով քաղաքացին Պաշտպանի աջակցությամբ ստացել է զինվորական հաշվառման վերաբերյալ տեղեկանք և անձնագրավորվել է
Քաղաքացին դիմել է Մարդու իրավունքների պաշտպանին՝ խնդրելով աջակցել որդուն զինվորական գրքույկի կամ զինվորական հաշվառման վերաբերյալ տեղեկանքի տրամադրման և անձնագրավորման հարցում։ Այդ մասին հայտնում են ՄԻՊ աշխատակազմից:
Մասնավորապես, անձը տեղեկացրել է, որ որդին 2025 թվականի ձմեռային զորակոչի ընթացքում առողջական խնդիրների պատճառով, ճանաչվել է ոչ պիտանի զինվորական ծառայության համար։ Միևնույն ժամանակ հայտնել է, որ որդուն արտերկրում հրատապ վիրահատական միջամտություն իրականացնելու անհրաժեշտություն է առաջացել, առկա է նաև համապատասխան բժշկական ցուցում։
Քաղաքացու հավաստմամբ՝ որդին դեռևս չի ստացել զինվորական գրքույկ, իսկ տարածքային զինվորական կոմիսարիատը հրաժարվել է տրամադրել զինվորական հաշվառման վերաբերյալ տեղեկանք: Ստեղծված իրավիճակի հետևանքով որդին չի կարողանում անձնագրավորվել և անհրաժեշտ բուժօգնություն ստանալու նպատակով մեկնել արտերկիր։
Բարձրացված հարցը հրատապության կարգով քննարկվել է Պաշտպանության նախարարության իրավասու ներկայացուցիչների հետ։ Արդյունքում ձեռնարկվել են անհրաժեշտ քայլեր խնդրի արագ կարգավորման ուղղությամբ։
Մարդու իրավունքների պաշտպանի աշխատակազմի և Պաշտպանության նախարարության արդյունավետ համագործակցության արդյունքում քաղաքացին ստացել է պահանջվող տեղեկանքը։
Հետագայում քաղաքացին տեղեկացրել է, որ որդին անձնագրավորվել է և ստացել անհրաժեշտ բուժօգնությունը։
Մարդու իրավունքների պաշտպանի ուշադրության կենտրոնում են զորակոչի ընթացքում անձանց իրավունքների պաշտպանության հարցերը, այդ թվում՝ առողջության իրավունքի լիարժեք իրացումը։
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Աբու Դաբիի նավթային ընկերության երկու նավեր հարձակման են ենթարկվել Հորմուզի նեղուցում
Ջերմուկ համայնքին կվերադարձվի 0.3 հա մակերեսով հողամաս
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
Մեղրին՝ ԱՊՀ մշակութային մայրաքաղաք․ սեպտեմբերին համայնքում կմեկնարկի միջազգային կինոփառատոն
Եթե իրավապահները պարզեն, որ խախտում կա, մենք կունենանք հերթական քաղբանտարկյալը. Ծովինար Վարդանյան
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Կիևյան կամրջի աշխատանքներն ավարտվել են նախատեսվածից երկու շաբաթ շուտ
Վաղարշապատի ՏԻՄ ընտրություններում «Հաղթանակ»- ի թեկնածուներն ու համակիրները հարկադրել են քվեարկել իր...
Ի՞նչ միտումներ կան անշարժ գույքի շուկայում