Ծառուկյանը Երևանում կմրցի Բուլետի հետ

Խառը մենամարտերի թեթև քաշային կարգում UFC-ի լավագույն հավակնորդ Արման Ծառուկյանը հայտարարել է, որ Երևանում կայանալիք Hype Fighting-ի առաջին մրցաշարի շրջանակում մրցելու է UFC-ի միջին քաշային կարգի դասակարգման 14-րդ հորիզոնականը զբաղեցնող Շարա Բուլետի հետ։

Ավելի վաղ Արման Ծառուկյանը խոստացել էր, որ մենամարտի մրցակիցը լինելու է «շոկային» անուն։

Hype Fighting լիգայի դեբյուտային միջոցառումը նախատեսվել է դեկտեմբերի 30-ին՝ Կարեն Դեմիրճյանի անվան մարզահամերգային համալիրում։

Ծառուկյան-Բուլետի մենամարտը լինելու է երեկոյի գլխավոր ու սպասված իրադարձությունը։