Եթե Հոնդուրասում չհաշվեն ընտրությունների ձայները, ապա նրան դժոխային հատուցում է սպասվում․ Թրամփ
ԱՄՆ նախագահ Դոնալդ Թրամփը Հոնդուրասին սպառնացել է «դժոխային հատուցմամբ», եթե երկրում չհաշվեն ընտրությունների ձայները։ Այս մասին նա գրել է իր Truth Social սոցիալական ցանցի էջում։
Թրամփի խոսքով՝ Հոնդուրասի նախագահական ընտրություններում ձայների հաշվարկը վաղաժամ է ավարտվել։
«Կարծես թե Հոնդուրասը փորձում է փոխել նախագահական ընտրությունների արդյունքները։ Եթե դա այդպես է, նրանք թանկ կվճարեն», - ընդգծել է ամերիկացի նախագահը։
Թրամփը հավելել է, որ Հոնդուրասի նախագահական ընտրությունների քվեարկությունը տեղի է ունեցել նոյեմբերի 30-ին։ Սակայն Հոնդուրասի Ազգային ընտրական խորհուրդը նոյեմբերի 30-ի կեսգիշերին «հանկարծակի դադարեցրել է» քվեաթերթիկների մշակումը. հաշվարկները դադարել են, երբ մշակվել է քվեաթերթիկների ընդամենը 47%-ը։ Նա ասել է, որ անհրաժեշտ է հաշվել Հոնդուրասի բնակիչների բոլոր ձայները, որպեսզի «ժողովրդավարությունը հաղթի»։
Ըստ էքզիթփոլի տվյալների՝ Հոնդուրասի իշխող «Ազատություն և վերակառուցում» (LIBRE) կուսակցության թեկնածու Ռիքսի Մոնքադան հավաքել է ձայների 38,06%-ը։ Երկրորդ տեղում է Հոնդուրասի աջ կենտրոնամետ Լիբերալ կուսակցության ներկայացուցիչ Նասրալլան՝ ձայների 32,40% արդյունքով։ Երրորդ տեղը զբաղեցնում է Հոնդուրասի պահպանողական Ազգային կուսակցության ներկայացուցիչ Ասֆուրան՝ հավաքելով 23,38%։
Նոյեմբերի 29-ին Թրամփը Truth Social սոցիալական ցանցում գրել է, որ ներում է շնորհել Հոնդուրասի նախկին առաջնորդ Օռլանդո Էռնանդեսին, որը դատապարտվել էր 45 տարվա ազատազրկման։
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
Եկեղեցին նույնականացնելով մեկ անձի հետ՝ դուք հստակ միտում ունեք մոլորեցնել ձեր և մեր ընտրողներին. Ալ...
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Մեղրիում կասեցվել է զովացուցիչ ըմպելիքի արտադրամասի գործունեությունը
Barbie Signature շարքի նոր տիկնիկ՝ Ուիթնի Հյուսթոնի կերպարով
Ջերմուկ համայնքին կվերադարձվի 0.3 հա մակերեսով հողամաս
«Բարսելոնան» առաջարկ է ներկայացրել կիսապաշտպան Ռոդրիի տրանսֆերի համար
Եթե իրավապահները պարզեն, որ խախտում կա, մենք կունենանք հերթական քաղբանտարկյալը. Ծովինար Վարդանյան
Ռոբոտ-շները կպահպանեն Չինաստանի լուսնային կայանը