Աղբն այրելիս բալոնը պայթել է. Մեկը վնասվածք է ստացել դեմքին, մյուսը՝ գոտկատեղից ներքև. Մանրամասներ Իջևանի պայթյունից
Իջևանի «կրիվոյ» կոչվող տարածքում հնչած պայթյունից տուժածները 30-32 տարեկան են, որոնք նախ տեղափոխվել են Իջևանի բժշկական կենտրոն, այնուհետեւ Երևանի «Սուրբ Գրիգոր Լուսավորիչ» ԲԿ։ Նրանց կյանքին վտանգ չի սպառնում։ Այս մասին հայտնում է NEWS.am–ի Իջևանի թղթակիցը։
Նշենք, որ դեպքը տեղի է ունեցել գործող «ԺԲԿ» կոչվող գործարանի տարածքում։ Գործարանի տարածքից NEWS.am–ին հայտնեցին, որ ոչ թե սարքավորումների կամ դրանց հետ կապված պայթյուն է եղել, այլ այդ տարածքում աղբ է եղել կուտակված, որը նրանք հավաքել ու այրել են։ Ամենայն հավանականությամբ, դրա մեջ փրփուրի բալոն է եղել։ Նրանք ձայն են լսել, մոտեցել են, որ հասկանան՝ ինչ ձայն է, այդ պահին բալոնը պայթել է, և երիտասարդները բեկորային վնասվածքներ են ստացել։ Մեկը վնասվածք է ստացել դեմքի շրջանում, մյուսը՝ գոտկատեղից ներքև։
Այս պահին ոստիկանները տարածքում հերթապահություն են իրականացնում, մինչև քննիչները ժամանեն և քննչական գործողություններ իրականացնեն։
Ավելի վաղ NEWS.am–ը հայտնել էր, որ այսօր՝ նոյեմբերի 26–ին, ժամը 14:00-ի սահմաններում ՆԳՆ ոստիկանության համայնքային ոստիկանության գլխավոր վարչության Իջևանի բաժնում օպերատիվ տեղեկություններ են ստացվել, որ Իջևան-Նոյեմբերյան ավտոճանապարհի Կրիվոյ կոչվող վայրում գործող «ԺԲԿ»-ի տարածքում պայթյուն է տեղի ունեցել, կան վիրավորներ։
Տեղում պարզվել էր, որ այդ վայրից 2 հոգու տեղափոխել են «Իջևան» բժշկական կենտրոն:
Շտապօգնության բժիշկները մինչ նրանց հիվանդանոց տեղափոխելը տեղում անհրաժեշտ բուժօգնություն են ցուցաբերել:
Պայթյունի վայրում իրավապահները հայտնաբերել են տարբեր հատվածներում արնանման հետքեր և ծխացող օջախ:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո