Սեպտեմբերի 20-ին կայանալիք «Քաղպայմանագրի» համագումարին ընդառաջ, որի ժամանակ նաեւ կուսակցության նոր վարչություն է ընտրվելու, իշխող թիմում անառողջ մթնոլորտ է տիրում։ Վարչության անդամի թեկնածուները միմյանց վրա «բոչկա են գլորում», մամուլին արտահոսքեր անում՝ հույս ունենալով, որ այդպիսով իրենք դիրքային առավելություն կստանան եւ կդառնան վարչության անդամի ռեալ հավակնորդներ։ Բանն այն է, որ ՔՊ-ում շատերն են հասկացել, որ Փաշինյանը «տակից» ուղղորդում է ընտրիչներին՝ առաջադրված 42 թեկնածուից ում ընտրել, ում՝ ոչ։
Իհարկե, ինքն անձամբ չի լծվել այդ գործին, այլ էմիսարների միջոցով է անում, մասնավորապես՝ Վահագն Ալեքսանյանի եւ Գեւորգ Պապոյանի, սակայն շատերը ՔՊ-ում վստահ են, որ Փաշինյանն ամեն ինչ անում է եւ անելու է, որ իր ճաշակով վարչություն ձեւավորվի, եւ վարչության անդամ դառնան այն կուսակցականները, որոնց ինքն ուզում է:Ասում են, որ ընտրում է նրանց, ում հակավարկանիշը հնարավորինս ցածր է, չեն հայտնվել աղմկոտ պատմությունների, քննարկումների կիզակետում, նրանց մասին վարկաբեկող նյութեր չեն եղել մամուլում կամ քիչ են եղել, մի խոսքով՝ մաքրում է ՔՊ-ն վարկաբեկվածներից, չնայած այդ պարագայում հենց իրենից պետք է սկսեր: Ներկուսակցական տիրույթում մեծ հակաքարոզչություն է տարվում հատկապես Երեւանի քաղաքապետ Տիգրան Ավինյանի դեմ, որին Փաշինյանը կատեգորիկ չի ցանկանում տեսնել կուսակցության բարձրագույն մարմնում։ Կուսակցության ցածր էշելոններին, բնականաբար, ուղիղ չի փոխանցվում «շեֆի» կամքը, սակայն ակնարկներով տեղ են հասցնում։Փաշինյան-Ավինյան հակամարտությունը նոր չէ, ի դեմս Երեւանի քաղաքապետի՝ Նիկոլ Փաշինյանն իր իշխանության ռեալ ժառանգորդի է տեսնում, որը թիմի ներսում համախոհների հոծ բանակ ունի։ՔՊ-ում պատահական չեն համարում, որ հենց այս օրերին բացահայտվեց, որ քաղաքապետի հայրը Սեւանի ափին առանձնատուն է կառուցում։
Վարչության կազմում անցանկալիների շարքում է նաեւ փոխքաղաքապետ Արմեն Փամբուխչյանը, որի հոր վարկի մասին սկանդալային պատմությունը տեւական ժամանակ հանրային քննարկումների կենտրոնում էր, այդ պատմությունն անգամ ՔՊ-ում չի մարսվում՝ փոխքաղաքապետի թոշակառու հայրը «Սպայկայի» երաշխավորությամբ 1․5 մլրդ դրամի վարկ է ստացել։Վաղարշակ Հակոբյանին էլ չի ուզում տեսնել, նա Խաչատուր Սուքիասյանի հետ բիզնես գործունեություն է իրականացնում Ծաղկաձորում։ Ասում են, որ Փաշինյանը, առհասարակ, չի ուզում վարչությունում տեսնել մարդկանց, որոնք թիմի ներսում ամուր դիրք ունեն, ասենք` Սուրեն Պապիկյանին։Իսկ կանանցից Հասմիկ Հակոբյանին է դեմ, որն Ալեն Սիմոնյանի մտերիմն է, նախկին օգնականը, չնայած Հակոբյանը կաշվից դուրս է գալիս՝ կուսակցության եւ Փաշինյանի գովքն է անում, արդարացնում ցանկացած հակապետական քայլ, սակայն Փաշինյանը, ինչպես ասում են, սիմպատիա չունի նրա նկատմամբ: Փոխարենը ուզում է Հերիքնազ Տիգրանյանին տեսնել վարչության կազմում, Արուսյակներ Ջուլհակյանին ու Մանավազյանին, Դավիթ Խուդաթյանին։Հիշեցնենք, որ գործող վարչության 15 հոգանոց կազմն ընդլայնվելու է հինգով, կանանց քվոտան է ավելացվել՝ պարտադիր հինգը պետք է կանայք լինեն։
Արդեն մի քանի շաբաթ է, ինչ վարչության ընտրությունների քարոզարշավն է ընթանում, սակայն, որպես այդպիսին, հաշված թեկնածուներ են ակտիվ հանդիպումների մեջ՝ Վահագն Ալեքսանյանը, Հայկ Կոնջորյանը, Գեւորգ Պապոյանը, Արուսյակ Ջուլհակյանը ու եւս մի քանիսը, մինչդեռ նախորդ ընտրություններից առաջ թեկնածուները կուսակցության զարգացման իրենց տեսլականի վերաբերյալ անգամ կարճ տեսանյութեր էին նկարում, տարածում տարածքային կառույցներում, ապա հատ-հատ քննարկում թեկնածուներից յուրաքանչյուրի ծրագրերը:Այժմ քարոզարշավը սահմանափակվում է փակ հանդիպումներով եւ ձայն մուրալու խնդրանքներով։ Սա նույնպես վկայում է այն մասին, որ ՔՊ-ում այլեւս լուրջ չեն վերաբերվում այդ ընտրություններին, քանի որ, մեծ հաշվով, դրանք լինելու են ուղղորդված, գուցե՝ հաշված բացառություններով։
Ի դեպ, ասում են՝ հնարավոր է ընտրությունները 1-2 անակնկալ դրական արդյունք ունենան, դա էլ է հատուկ մտածված, որով ցույց կտան, թե իբր մաքուր, թափանցիկ ընտրություններ են եղել, եւ անհայտ մի քանի անձ դարձել է վարչության անդամ։
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Ջերմուկ համայնքին կվերադարձվի 0.3 հա մակերեսով հողամաս
Աբու Դաբիի նավթային ընկերության երկու նավեր հարձակման են ենթարկվել Հորմուզի նեղուցում
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Մեղրին՝ ԱՊՀ մշակութային մայրաքաղաք․ սեպտեմբերին համայնքում կմեկնարկի միջազգային կինոփառատոն
Առաջին անգամ Հայաստանում՝ «Համերգ տոտալ մթության մեջ»
Կիևյան կամրջի աշխատանքներն ավարտվել են նախատեսվածից երկու շաբաթ շուտ
Հայաստանն ու Ղազախստանը քննարկել են ագրոոլորտում համագործակցությունը
ԵՄ-ն՝ Հայաստանի բարեփոխումների մասին․ առաջընթացին զուգահեռ դեռեւս խնդիրներ կան