Երևանում տղամարդը կնոջից խլել է բջջային հեռախոսը, նրան գցել գետնին և հեռացել

Ինչպես հայտնում է ֆոտոլրագրող Գագիկ Շամշյանը, օպերատիվորեն մեկնել է ոստիկանության Շենգավիթի բաժնի հերթապահ խումբը, որտեղ Երևանի բնակիչ 51-ամյա Անահիտ Կ․-ն ոստիկաններին հայտնել է, որ մայիսի 29-ին՝ ժամը 00։20-ի սահմաններում, Վերին Շենգավիթի հասցեներից մեկում գտնվող իր տանը իր ծանոթ, Արմավիրի մարզի բնակիչ 42-ամյա Եգոր Ս․-ն իր ձեռքից խլել է իրեն պատկանող 70 հազար ՀՀ դրամի արժողությամբ «Samsung A7» մոդելի բջջային հեռախոսը, որից հետո նրան հետապնդել է մինչև տան բակ, որտեղ փորձել է նրա ձեռքից վերցնել բջջային հեռախոսը, որի ժամանակ Եգոր Ս․-ն հրել է իրեն և վայր գցելով գետնին՝ բջջային հեռախոսի հետ միասին դիմել է փախուստի՝ իրեն պատճառելով ֆիզիկական ցավ և գույքային վնաս։

Գ․ Շամշյանի տեղեկություններով՝ Եգոր Ս․-ն ներկայացել է ոստիկանության Շենգավիթի բաժին, ում մոտից անձնական խուզարկությամբ հայտնաբերվել է Անահիտ Կ․-ին պատկանող նշված բջջային հեռախոսը։

Դեպքի փաստով ոստիկանության Շենգավիթի բաժնում փաստաթղթեր են կազմվել, որոնք Եգոր Ս․-ի հետ միասին ներկայացվել են ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժին։

Այս թեմայով 42-ամյա վարորդը գլխիվայր հայտնվել է դաշտում․ կա վիրավոր Անչափահասը «Opel»-ով Արալեզ գյուղում կոտրել է գազատար խողովակներն ու հայտնվել ջրատարում Ծեծկռտուք՝ Սյունիքում․ 42-ամյա տղամարդը հայտնել է, որ հարևանը մահակով ծեծել է իրեն Կոտայքում 2 անչափահասներ ծեծել են 14-ամյա տղային, վերջինս էլ կտրող-ծակող գործիքով հարվածել է նրանցից մեկին «Չայնիի» ոլորաններում բախվել են միրգ-բանջարեղենով բարձված «Iveco»-ն և «ԶԻԼ»-ը. կա տուժած