Որ դեպքում Եղիշե Մելիքյանը կգլխավորի Հայաստանի հավաքականը
Sport.ua-ի հաղորդմամբ՝ Հայաստանի ազգային հավաքականի գլխավոր մարզչի պաշտոնում դիտարկվում է Ուկրաինայի երկրպագուներին որպես ֆուտբոլիստ, ապա նաև որպես մարզիչ հայտնի Եղիշե Մելիքյանը: Նախորդ տասնամյակի երկրորդ կեսին և այս տասնամյակի սկզբում 45-ամյա մասնագետը գլխավորում էր Կամենսկի «Ստալը» և «Լվովը», իսկ վերջին տարիներին ղեկավարում է Երևանի «Փյունիկը»: Այս մասին գրում է armsport.am-ը։
Հայ մասնագետը պատասխանել է Sport.ua-ի լրագրողի հարցերին՝ կապված Հայաստանի հավաքականը գլխավորելու հետ։
– Ճի՞շտ է, որ Դուք համարվում եք Հայաստանի հավաքականի ղեկավարի թեկնածուներից մեկը:
– Սա շատ նուրբ հարց է: Չեմ ցանկանում մեկնաբանել, բայց կասեմ մի քանի խոսք: Արդեն մի քանի տարի է, ինչ «Փյունիկ» ՖԱ-ի և Հայաստանի ֆուտբոլի ֆեդերացիայի միջև կոնֆլիկտ կա: Սկզբից ի վեր ես պաշտպանում եմ ակումբի նախագահին, որտեղ աշխատում եմ: Ես պայքարում եմ նրա համար՝ թե՛ ֆուտբոլի դաշտում, թե՛ դրանից դուրս: Կարծում եմ՝ այս փաստը կխանգարի ինձ գլխավորել Հայաստանի հավաքականը: Մեր ֆեդերացիայում աշխատում են շատ հավակնոտ մարդիկ, որոնց համար արդյունքը կարևոր չէ այնքան, որքան անձնական իմիջը: Համոզված եմ, որ նրանք հասկանում են, որ ես իսկապես կարող եմ օգնել ազգային հավաքականին, բայց այդ պատճառներով չեն գնա այդ քայլին:
– Իսկ եթե ենթադրենք, որ ֆուտբոլային հասարակությունը՝ մասնավորապես Հայաստանի երկրպագուները և անկախ լրատվամիջոցները, միասնական կարծիք կհայտնեն, որ ցանկանում են հենց Ձեզ տեսնել հավաքականի ղեկավարի պաշտոնում, ապա այդ քայլը Ձեր կողմից հնարավո՞ր է:
– Եթե հասարակությունը իսկապես դա ցանկանա և այդ մասին հայտնի, միայն այդ դեպքում պատրաստ եմ համապատասխան քայլեր կատարել: Ինձ համար շատ կարևոր է երկրպագուների կարծիքը և ակումբի նախագահի կարծիքը: Վեճը շատ լուրջ է:
– Իսկ ի՞նչն է այդ վեճի պատճառը։
– Չեմ ցանկանում դրա մասին խոսել: Միայն կասեմ, որ այն այնքան լուրջ է, որ «Փյունիկը» 99 տոկոս հավանականությամբ պատրաստ է դուրս գալ առաջնությունից:
Ինչո՞ւ էր Քյարամյանը Լևոն Քոչարյանի հետ խոսում հարգանքով, Աղազարյանի հետ՝ քամահրանքով
Հայաստանում խորհրդարանական ընտրություններ լինելու դեպքում հարցվածները հիմնականում կընտրեին ՔՊ-ին, ԲՀ...
Հայկ Դեմոյանն առաջարկում է բերման ենթարկել ԿԳՄՍ նախարարին, Հարություն Մարությանին, Հրանուշ և Լուսինե...
Անդրանիկ Քոչարյանն այնպես է գոռգոռացել, որ անգամ միջանցքներում է լսելի եղել
Փորձում են իրականացնել պլան Բ-ն․ Ի՞նչ կա Անդրանիկ Քոչարյանի մտքին․ «Կարճ ասած»
Հայտնի է, թե ինչն է եղել ԱԺ շենքում նախկին պատգամավորի ու անվտանգության աշխատակիցների միջև տեղի ունե...
Գիտնականները պարզել են, թե ինչու են ոմանք չափազանց սուր արձագանքում չլփոցին, խշխշոցին, խռմփոցին և ծա...
Արգիշտի Քյարամյանի վարքագիծն ունեցող, էդ մակարդակի պաշտոնյան չպետք է մեր երկրում պաշտոնավարի. Հովիկ ...
Երևանում 74-ամյա տղամարդը սեռական ոտնձգություն է կատարել 9-ամյա աղջնակի նկատմամբ
Ներթիմային ճաքերը գնալով խոշորանում են