Խմորումներ` Սրբազան շարժման ներսում
«Հրապարակը» գրում է. «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը վերջերս հրապարակային խոստում տվեց՝ սեպտեմբերին իրականացնել այն, ինչը մայիսին չեն հաջողել` հասնել իշխանափոխության: Բայց այս հավակնոտ հայտարարությանը զուգահեռ, նա տարօրինակ կերպով նեղացրել է իր շրջապատը: Շարժման համակարգող խմբի քննարկումներին հաշված ուժերից են ներկայացուցիչներ մասնակցում՝ ՀՅԴ-ից, ՀՀԿ-ից, «Սասնա ծռերից», «Ապրելու երկրից»: Երբեմն այլ ուժերից էլ են լինում, սակայն հիմնական կորիզը վերը թվարկվածն է: Նրանց հետ է քննարկում անելիքները։ Մինչդեռ շարժման սկզբում քաղաքական տասնյակ ուժերի մասնակցությամբ պարբերական հանդիպումներ էին նախաձեռնվում, քննարկում էին այդ ուժերից բաղկացած խորհրդատվական խորհուրդ ստեղծելու հարցը։ Շարժմանը մոտ կանգնած աղբյուրները նկատում են, որ սրբազանն իրեն մոտ է թողնում ամենահավատավորներին, նրանց, ովքեր չեն առարկում իր որեւէ որոշմանը, ցանկությանը կամ առաջարկին:
Մյուս կողմից՝ համակարգող խմբի մաս կազմող ուժի ներկայացուցիչը վստահեցնում է, որ պայքարողների շրջանակը նեղացել է երկկողմանի ցանկությամբ` ամռան ամիսներին պարզ է դարձել, թե ովքեր են պատրաստ երկարատեւ պայքարի, ովքեր են հոգնել, ոմանք էլ փորձել են շարժումը «քաշել իրենց վրա»՝ համարելով, որ սրբազանը շանսը բաց է թողել։
Ի դեպ, մինչ սրբազանը փորձելու է երկրորդ շնչառությունը բացել, քաղաքական կուլիսներում հաշվարկներ են անում նոր, այսպես կոչված, կենտրոնամետների ճակատ ձեւավորելու ուղղությամբ, որոնք ո՛չ ներկաների, ո՛չ նախկինների հետ կապ չեն ունենա։ Մի քանի հանդիպումներ էլ են արդեն կայացել: Մենք ձեռնպահ ենք մնում այդ մասին անվանական ներկայացնել, թե որ գործիչները եւ ուժերն են դրանք, քանի որ նրանց մեծ մասը, իշխանության հարձակումներից վախեցած, «լույսը չբացված»՝ սկսում է հերքել ամեն ինչ: Սակայն պարզ է, որ նման տեղեկություններն իշխանությունը մեզնից շատ ավելի վաղ է ստանում` բազում տեխնոլոգիաներ եւ ընդդիմության մեջ ներդրված անձանց միջոցով: Նշենք միայն, որ մինչ այս պահը որեւէ կոնկրետ համաձայնության չեն եկել, բանակցությունները շարունակվում են։
Ամբողջական հոդվածը կարող եք կարդալ այս հասցեով՝ : https://hraparak.am/post/05a77670c9bc2e341971acb9a7cbd662
© 2008 - 2021 «Հրապարակ օրաթերթ»
Ամփոփվել է 110 տեղամասի արդյունքները
Նոր ԱԺ-ում կլինի 105 պատգամավոր. ՔՊ-ն կունենա 61 մանդատ, «Ուժեղ Հայաստանը»՝ 28, «Հայաստան»–ը՝ 11, ԲՀ...
Տաշիրի Կաթնառատում «Քաղաքացիական պայմանագիրը» ստացել է 259, «Ուժեղ Հայաստանը» 160 ձայն
«Հայաստան» դաշինքի նախընտրական շտաբը հայտարարություն է տարածել
Բացահայտվել և չեզոքացվել է շուրջ 45 ընտրողի ընդհանուր 7,5 մլն ՀՀ դրամի չափով ընտրակաշառք տալու հանցա...
Հայտնի են էլեկտրոնային քվեարկության արդյունքները. ՔՊ-ն ստացել է ձայների ճնշող մեծամասնությունը
Ընտրությունից հետո ՌԴ մեկնել պատրաստվող Հովհաննես Սահակյանը ձերբակալվել է
Արմավիրի մարզում գործում է 169 ընտրական տեղամաս
Զախարովան մեկնաբանել է Հայաստանի խորհրդարանական ընտրությունները
Ընտրատեղամասերը փակվեցին. մեկնարկում է ձայների հաշվարկը