Հարի Քեյնը վնասվածք է ստացել

Գերմանիայի չեմպիոն Մյունխենի «Բավարիայի» անգլիացի հարձակվող Հարի Քեյնը ոտնաթաթի վնասվածք է ստացել «Դարմշտադտի» դեմ Բունդեսլիգայի 26-րդ տուրի խաղում (5:2)։ Հարի Քեյնն այս շաբաթ կմիանա Անգլիայի հավաքականին եւ բուժզննում կանցնի հայրենիքում, հաղորդում է Bild-ը։

«Անգլիայում կան բժիշկներ, որոնց կարելի է վստահել։ Մենք կհամագործակցենք նրանց հետ այս հարցում։ Ոչ մի ռիսկ չկա»,- ասել է «Բավարիայի» մարզական տնօրեն Կրիստոֆ Ֆրեյնդը։

Ընթացիկ մրցաշրջանում Հարի Քեյնը մասնակցել է 35 հանդիպման բոլոր մրցաշարերում, խփել 37 գոլ, կատարել 12 գոլային փոխանցում։

Անգլիայի հավաքականն ընկերական հանդիպումներ կանցկացնի Բրազիլիայի (մարտի 23) եւ Բելգիայի (մարտի 26) հետ։