Ես պառկած էի, ուժեղ ձայն լսեցի, մութ էր. 4 հոգով էին ապրում, ամուսինները եւ երկու տղաները. Պատմում է հարեւանը (տեսանյութ)

Ես պառկած էի, ուժեղ ձայն լսեցի, վեր կացա, մութ, մառախուղ էր, ոչինչ չէր երեւում. նոր իմացանք՝ ինչ է տեղի ունեցել: Այս մասին NEWS.am-ի հետ զրույցում նշեց Նոր Արեշի 34 փողոցի բնակիչներից մեկը, որի տունը պայթյունից ամբողջությամբ փլուզված տան կողքի տունն է:

«Ինչ-որ մեկի ձայնն են լսել, հիմա փնտրում են: Տղամարդու ձայն են լսել: Նա մոտ 30 տարեկան է: Ձայնը շատ ուժեղ էր, մեկ կմ հեռավորությունի մարդիկ են գալիս, ասում են՝ ձայնը լսել ենք:

4 հոգով էին ապրում, ամուսինները եւ երկու տղաները: Ամենայն հավանականությամբ, տանը մի տղան է եղել»,-ասաց նա:

Բանկիչը նաեւ նկատեց, որ իրենց տներում այլեւս ապրել հնարավոր չէ, պետք է ամբողջությամբ մի քանի տուն քանդվի, նորից սարքվի:

«Կմնանք ազգականների, բարեկամների տանը: Մնալու տեղ շատ կա»,-ասաց նա:

Մեկ այլ բնակիչ էլ պատմեց, որ պայթյունը դիմացի շենքից է լսել. «Հետո հարեւանները զանգեցին, ասացին՝ մամայիդ տունն ավերվել է»:

Նշենք, որ այսօր՝ փետրվարի 5-ին, ժամը 11:36-ին Ճգնաժամային կառավարման ազգային կենտրոն ահազանգ է ստացվել, որ Երևանի Նոր Արեշ 34-րդ փողոցում տեղի է ունեցել պայթյուն:

ՆԳՆ փրկարար ծառայությունից հայտնում են, որ դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի երկու փրկարարական ջոկատ, Բժշկական ապահովման վարչության հերթապահ և Ճգնաժամային կառավարման ազգային կենտրոնի օպերատիվ խմբերը, Հոգեբանական աջակցության բաժնի հերթապահ հոգեբանը, ՓՈՒՎ և Երևան քաղաքի փրկարարական վարչության հրշեջ-փրկարարական աշխատանքների կազմակերպման բաժինների հերթապահ խմբերը։

Ըստ նախնական տվյալների՝ պայթյունի հետևանքով տեղի է ունեցել փլուզում․ կա երկու տուժած:

Դեպքի վայրում են գտնվում ՆԳՆ ՓԾ տնօրեն-ՆԳ նախարարի տեղակալ, փ/ծ գնդապետ Կամո Ցուցուլյանը և ՓԾ տնօրենի տեղակալ, փ/ծ գնդապետ Դավիթ Սարգսյանը։

Այս թեմայով Պայթյունը տեղի է ունեցել գազի արտահոսքի և բնակչի կողմից կրակայրիչը վառելու հետևանքով Տեսախցիկը ֆիքսել է Էրեբունիում հզոր պայթյունի պահը Փլատակներում մնացած կնոջը ևս դուրս բերեցին. Նա ողջ է Նոր մանրամասներ՝ Նոր Արեշի 34 փողոցում տեղի ունեցած պայթյունից. Փլատակների տակ 2 կին է. մեկի ձայնը լսելի է Երևանի Նոր Արեշի 34 փողոցում պայթյուն է որոտացել. 2 քաղաքացի կա փլատակներում (տեսանյութ)