Տարին սկսում ենք Նուբարաշենի աղբավայրի եւ երեւանյան տրոլեյբուսի հրդեհով

Տարին սկսում ենք Նուբարաշենի աղբավայրում հրդեհի բռնկման, հրշեջներից երկուսի վիրավորվելու եւ դեռեւս անհայտ հանգամանքներով Սեբաստիայի փողոցում տրոլեյբուսի այրման մասին տեղեկությամբ:

Ասում են այրվել է մոտ երկու հազար քմ տարածքում կուտակված աղբը, ասում են նաեւ, որ տրոլեյբուսը հին է եղել: Այնքան հին է եղել, որ այրվելուց հետընթաց է արել ու բախվել պարեկների ավտոմեքենային, որն, իհարկե, նոր է, ի տարբերություն տրոլեյբուսի:

Ավինյանը մինչ այս պահը ներողություն չի խնդրել երեւանցիներից, ասում են, գուցե դեռ հարբած է:

Զարմանալ, ցավոք սրտի, չենք կարող: 21-րդ դարում ունենք 16-րդ դարի աղբավայր, որտեղ կարող ենք անգամ հնությամբ հետաքրքրվող տուրիստների բերել, ունենք դինոզավրերի հասակի տրոլեյբուսներ, եւ ունենք գործից չհասկացող Երեւանի քաղաքապետ, որին տեսնելու համար, ասում են անգամ Ճապոնիայից են տուրիստներ գալիս:

Իսկ աղբավայրում, ըստ մասնագետների, այս օրերին եւ աղբն է շատ, եւ դրա հետքերով Նուբարաշեն գնացող անտուն եւ անտեր մարդիկ, որոնք հույս են ունեցել թարմ սնունդ հայտնաբերել:

Ինչ վերաբերում է տրոլեյբուսին, ապա ավելի լավ է լռենք...

Հետեւությունը մեկն է՝ աղբավայրը պետք է վերջապես վերածվի աղբի վերամշակման ժամանակակից կենտրոնի, տրոլեյբուսային պարկը պետք է թարմացվի, իսկ քաղաքապետը՝ փոխվի: Ի վերջո Դոգի շնորհիվ քաղաքապետ դարձածից ավելի սպասում չենք կարող ունենալ:

Top-News.am

Այս թեմայով Երևանում հին տրոլեյբուսներ չեն լինի. պարկը համալրվել է նոր շարժակազմով Երևանի քաղաքապետարանի նախկին պաշտոնատար անձը մեղադրվում է հանցավոր ճանապարհով ձեռք բերած 140 մլն դրամի գույքն օրինականացնելու մեջ Երևանի քաղաքապետարանը միայն դեկտեմբերի 1-ին 1.1 մլն դրամի խմիչք, քաղցրավենիք և արքայախնձոր է գնել Բարդ լուծումներ են լինելու, խոսքն էական սահմանափակումների մասին է. Ավինյանը՝ օդի որակի կարգավորման մասին Երևանի քաղաքապետարանում գործակարգավարական խորհրդակցություն է ընթանում