Դոնի Ռոստովում խոշոր հրդեհ է բռնկվել շուկաներից մեկում (տեսանյութ)
Դոնի Ռոստովում խոշոր հրդեհ է բռնկվել «Տեմերնիկ» շուկայում։ Այս մասին հայտնում է ՌԻԱ Նովոստին՝ ՌԴ Ռոստովի մարզի Արտակարգ իրավիճակների պետական կառավարման վարչության ներկայացուցչին հղումով։
Ինչպես հայտնել է գործակալության զրուցակիցը, ՌԴ ԱԻՆ-ը հաղորդում է ստացել, որ հրդեհ է բռնկվել Դոնի Ռոստովի Միրոնովի 12/5 հասցեում գտնվող առևտրի տաղավարներում։ Կրակը շատ արագ տարածվել է․ վերջին տվյալներով՝ այն ընդգրկում է 1500 քառակուսի մետր, մինչդեռ ավելի վաղ հաղորդվում էր 400 քմ-ի մասին։
Ականատեսները համացանցում կիսվում են այրվող շինության տեսանյութերով ու լուսանկարներով, որոնցում երևում է՝ ինչպես են առևտրականները փորձում կրակից փրկել իրենց ապրանքները, սակայն հրշեջ-փրկարարները նրանց հեռացնում են այրվող շինություններից։
Այս պահին հրդեհի մեկուսացման ու մարման աշխատանքները շարունակվում են։ Հրդեհին տրվել է բարդության երրորդ աստիճան։ Միջադեպից հետո դատախազությունը ստուգումներ է սկսել։
Հրդեհից բարձրացող ծխի սյունը տեսանելի է դեպքի վայրից շատ կիլոմետրեր հեռու։ Նշվում է, որ կրակի մարման աշխատանքները բարդանում են շինությունների շատ խիտ լինելու և հրդեհի արագ տարածման պատճառով։
Նշենք, որ «Տեմերնիկ»-ը «Արևելյան» շուկայի ոչ պաշտոնական անվանումն է։ Շուկայի տարածքը մոտ 40 հազար քմ է, այնտեղ տեղակայված է ավելի քան 4 հազար տաղավար։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գլխավոր դատախազ Աննա Վարդապետյանի հոդվածը հրապարակվել է Դատախազների միջազգային ասոցիացիայի մասնագիտա...
Նիդերլանդները հրաժարվել է մասնակցել «Եվրատեսիլ 2027»-ին
Նարեկ Նալբանդյանի և Դավիթ Ղազարյանի նկատմամբ քրեական հետապնդում է հարուցվել
Հայաստանի ըմբշամարտի հավաքականը նվաճեց առաջին մեդալը
Հոկտեմբերի 27-ի դեպքերից անցել է 27 տարի
ՔԿ նախագահը ԱՄՆ-ում մասնակցել է Ոստիկանության պետերի միջազգային ասոցիացիայի համաժողովին
Եթե օրենքի ընդունումը թույլ տա փրկել ընտանեկան բռնության թեկուզ մեկ զոհի կյանք, ուրեմն միանշանակ պետ...
Արդար չէ մեզ մեղադրել քաղաքական բռնաճնշման համար
Ռոբոտը զբոսայգում երգել է երեխաների համար, պարել այցելուների հետ և լուսանկարվել