Մարիամ Մկրտչյանը Թուրքիայում ապահովեց Եվրոպայի Մ18 տարեկանների չեմպիոնուհու տիտղոսը

Հայաստանի շախմատի կանանց հավաքականի անդամ Մարիամ Մկրտչյանն Անթալիայում ընթացող Եվրոպայի պատանեկան առաջնության Մ18 տարեկանների պայքարում ապահովել է չեմպիոնի տիտղոսը:

Վերջին տուրից առաջ հայ շախմատիստուհին սևերով 62-րդ քայլին հաղթել է իռլանդացի Տրիշա Կանյամարալային և վաստակելով 7,5 միավոր՝ անհասանելի է դարձել բոլորի համար՝ նվաճելով մինչև 18 տարեկանների Եվրոպայի չեմպիոնի կոչումը։

Այս տարի ավելի վաղ Մկրտչյանը դարձել էր նաև աշխարհի Մ18 տարեկան աղջիկների չեմպիոն։