Արցախը մեն-մենակ մնաց ագրեսորների՝ ՆԱՏՕ-ի անդամի եւ հազարավոր ահաբեկիչների դեմ. Բակո Սահակյան
Արցախն այսօր ծանր վիրավոր է։ Իսկ մեր թշնամիներն անթաքույց գայթակղություն ունեն՝ վերջնականապես ոչնչացնել Ղարաբաղի հայկական պետականությունը, որպեսզի իրականացնեն իրենց ծավալապաշտական, մարդատյաց ծրագրերը։ Այս մասին Երեւանում «Լազարյան ակումբի» «Ռուս-հայկական հարաբերությունների պատմական անցյալը եւ ներկան» թեմայով նիստում, հոկտեմբերի 28-ին ասել է Ացախի նախկին նախագահ Բակո Սահակյանը։
«Փոքրիկ Արցախը՝ 150 հազար բնակչությամբ, որը հռչակել է իր պետականությունը միջազգային իրավունքի նորմերին եւ սկզբունքներին լիովին համապատասխան, եւ կառուցում էր դեմոկրատական իրավական հասարակություն, մեն-մենակ մնաց 95 մլն ընդհանուր բնակչություն ունեցող երկրների դեմ՝ ՆԱՏՕ-ի անդամ պետության եւ հազարավոր միջազգային ահաբեկիչների ու գլխակերների դեմ, միջազգային հանրության եւ երկրների անգործության պայմաններում, որոնց ժամանակին արված արձագանքին այդքան անհամբերությամբ սպասում էր արնաքամ եղող Արցախի ժողովուրդը։ Այս մասին ստիպված ենք խոսել մեծ ցավով։ Հիմա Արցախը ծանր վիրավոր է։ Իսկ մեր թշնամիներն անթաքույց գայթակղություն ունեն վերջնականապես ոչնչացնել Ղարաբաղի հայկական պետականությունը, որպեսզի իրականացնեն իրենց ծավալապաշտական, մարդատյաց ծրագրերը»,- ասել է Բակո Սահակյանը։
Նախկին նախագահն ընդգծել է, որ ուժերը, որոնք ցանկանում են աշխարհաքաղաքական լանդշաֆտի վերաձեւում կատարել, Ռուսաստանին դուրս մղել այստեղից եւ քանդել հայոց պետականությունը, որպես հաջողության հասնելու կարեւոր բաղադրիչ դիտարկում են Լեռնային Ղարաբաղի ոչնչացումը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները