Բենզեմա․ Մեսիի կարծիքը մոտիվացնում է ինձ

Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալի» եւ աշխարհի չեմպիոն Ֆրանսիայի հավաքականի 34-ամյա հարձակվող Քարիմ Բենզեման արձագանքել է Փարիզի ՊՍԺ-ի եւ Արգենտինայի հավաքականի 34-ամյա հարձակվող Լիոնել Մեսիի մեկնաբանությանը այս տարվա «Ոսկե գնդակի» հավակնորդների մասին։ Մեսին նշել էր, որ Բենզեման է ֆավորիտը։

«Լսել եմ Մեսիի մեկնաբանության մասին։ Այն ինձ ուրախացրել է։ Հաճելի է, որ Մեսիի նման ֆուտբոլիստն այդպիսի կարծիք ունի։ Դա ինձ մոտիվացնում է»,- Բենզեմայի խոսքը մեջբերում է TyC Sports-ը։

Ավարտված մրցաշրջանում Բենզեման «Ռեալի» հետ մասնակցել է 46 հանդիպման, խփել 44 գոլ, կատարել 15 գոլային փոխանցում։ Նա դարձել է Իսպանիայի առաջնության (27 գոլ) եւ Չեմպիոնների լիգայի (15 գո) լավագույն ռմբարկուն։