Գիտությունը վերակենդանացման մեջ է, անհրաժեշտ են նրա վերականգնման շտապ միջոցներ. «Գիտուժ»
Օրենքում պետք է արձանագրել գիտությանը պետբյուջեի 4 տոկոսի չափով հատկացվող միջոցների մասին, որպեսզի կառավարությունը, անկախ գործող իշխանությունից, չկարողանա սեփական քմահաճույքով փոխել այդ դրույթը, եւ զարգացումը կանգ չառնի։ Այս մասին մայիսի 10-ի քննարկման ժամանակ հայտարարել է «Գիտուժ» նախաձեռնության ներկայացուցիչ Գեւորգ Սաֆարյանը։
Նրա պատկերավոր արտահայտությամբ՝ գիտությունը Հայաստանում վերակենդանացման վիճակում է, եւ պետք է շտապ միջոցներ ձեռնարկել նրա վերականգնման համար։
Նրա խոսքով՝ չկա երկրի պաշտպանունակությունն ուժեղացնելու ցանկություն, եւ այդ պատճառով գիտության զարգացման քայլեր չեն ձեռնարկվում, կամ էլ՝ ցանկություն կա, բայց չկա անհրաժեշտ քայլերը հստակ ձեւակերպելու ունակություն։
«Մենք ասել ենք, որ պետք է գնահատել առկա ռեսուրսները, հստակ ձեւակերպել նպատակները եւ անհրաժեշտ միջոցներ տրամադրել այդ նպատակների իրականացման համար։ Այս սխեմայի բացակայությունը հանգեցրել է այն բանին, որ ունենք այն, ինչ ունենք»,- նշել է Սաֆարյանը։
«Գիտուժ» նախաձեռնության ներկայացուցիչ Արամ Ջիվանյանը համաձայնել է այն կարծիքին, որ Հայաստանը կանգնած է համակարգ ստեղծելու խնդրի առջեւ, բայց պետության կողմից նման մոտեցում չի երեւում։ «Ավելացնելով գիտության ֆինանսավորումը՝ կառավարությունը չգիտես ինչու մտածում է, որ գնդակը գիտնականների դաշտում է»,- նշել է նա։
«Գիտուժ» նախաձեռնության մեկ այլ ներկայացուցիչ՝ Արամ Փախչանյանը, առաջարկել է օրենքում մտցնել նորմ, որով կնախատեսվի բյուջեի կոնկրետ բաժնի հատկացում գիտության զարգացմանը։ «Բայց մարդիկ ցանկանում են անել ամեն ինչ, որպեսզի դա չլինի։ Դրա փոխարեն նրանք կարծում են, որ ավելի լավ է ծախսել թոշակների բարձրացման վրա, որպեսզի ընտրություններում ավելի շատ ձայներ ստանան։ Բայց նման մոտեցումներով զարգացում անհնար է։ Տարբեր ատյաններում ասում են, թե մենք միջոցներ տրամադրում ենք, բայց գիտությամբ զբաղվելու ցանկություն չկա, եւ մենք, իբր, ստիպված ենք կրճատել բյուջեից հատկացվող փողերը։ Սա վկայում է այն մասին, որ ամեն բան շատ վատ է կազմակերպված»,- ավելացրել է նա։
Փախչանյանը հիշեցրել է, որ ժամանակին ստեղծվել էր Ռազմարդյունաբերական կոմիտե, որը պետք է զբաղվեր կազմակերպչական հարցերով, բայց սկզբում, 1-2 տարի, այն ղեկավար չուներ, իսկ հետո մշտապես բյուջեն կրճատվում էր։ «Հիմա ղեկավարը կա, բայց կառույցի գործունեության նպատակն անհասկանալի է, չկա ռազմավարություն, չկան ծրագրեր։ Այսպիսի մոտեցմամբ մենք չենք կարող ընտրել՝ պատերազմներ վարե՞լ, ինչպես դա անում է ԱՄՆ-ը, թե՞ ոչ, մեզ միայն կարող են պատերազմ պարտադրել»,- ավելացրել է նա։
Փախչանյանը կոչ է արել ղեկավարվել «Խաղաղություն ես ուզում՝ պատրաստվիր պատերազմի» սկզբունքով։ «Երբեք չես կարող իմանալ, թե ինչպես կավարտվեն բանակցությունները, իսկ պատերազմը ընդամենը բանակցությունների շարունակությունն է։ Իսկ պատերազմին պատրաստվելը օգնում է ավելի արդյունավետ վարել բանակցությունները»,- ամփոփել է նա։
Գիտությունը վերակենդանացման մեջ է, անհրաժեշտ են նրա վերականգնման շտապ միջոցներ. «Գիտուժ»
Գիտությունը Հայաստանում վերակենդանացման վիճակում է...
Օրենքում պետք է արձանագրել գիտությանը պետբյուջեի 4 տոկոսի չափով հատկացվող միջոցների մասին, որպեսզի կառավարությունը, անկախ գործող իշխանությունից, չկարողանա սեփական քմահաճույքով փոխել այդ դրույթը, եւ զարգացումը կանգ չառնի։ Այս մասին մայիսի 10-ի քննարկման ժամանակ հայտարարել է «Գիտուժ» նախաձեռնության ներկայացուցիչ Գեւորգ Սաֆարյանը։
Նրա պատկերավոր արտահայտությամբ՝ գիտությունը Հայաստանում վերակենդանացման վիճակում է, եւ պետք է շտապ միջոցներ ձեռնարկել նրա վերականգնման համար։
Նրա խոսքով՝ չկա երկրի պաշտպանունակությունն ուժեղացնելու ցանկություն, եւ այդ պատճառով գիտության զարգացման քայլեր չեն ձեռնարկվում, կամ էլ՝ ցանկություն կա, բայց չկա անհրաժեշտ քայլերը հստակ ձեւակերպելու ունակություն։
«Մենք ասել ենք, որ պետք է գնահատել առկա ռեսուրսները, հստակ ձեւակերպել նպատակները եւ անհրաժեշտ միջոցներ տրամադրել այդ նպատակների իրականացման համար։ Այս սխեմայի բացակայությունը հանգեցրել է այն բանին, որ ունենք այն, ինչ ունենք»,- նշել է Սաֆարյանը։
«Գիտուժ» նախաձեռնության ներկայացուցիչ Արամ Ջիվանյանը համաձայնել է այն կարծիքին, որ Հայաստանը կանգնած է համակարգ ստեղծելու խնդրի առջեւ, բայց պետության կողմից նման մոտեցում չի երեւում։ «Ավելացնելով գիտության ֆինանսավորումը՝ կառավարությունը չգիտես ինչու մտածում է, որ գնդակը գիտնականների դաշտում է»,- նշել է նա։
«Գիտուժ» նախաձեռնության մեկ այլ ներկայացուցիչ՝ Արամ Փախչանյանը, առաջարկել է օրենքում մտցնել նորմ, որով կնախատեսվի բյուջեի կոնկրետ բաժնի հատկացում գիտության զարգացմանը։ «Բայց մարդիկ ցանկանում են անել ամեն ինչ, որպեսզի դա չլինի։ Դրա փոխարեն նրանք կարծում են, որ ավելի լավ է ծախսել թոշակների բարձրացման վրա, որպեսզի ընտրություններում ավելի շատ ձայներ ստանան։ Բայց նման մոտեցումներով զարգացում անհնար է։ Տարբեր ատյաններում ասում են, թե մենք միջոցներ տրամադրում ենք, բայց գիտությամբ զբաղվելու ցանկություն չկա, եւ մենք, իբր, ստիպված ենք կրճատել բյուջեից հատկացվող փողերը։ Սա վկայում է այն մասին, որ ամեն բան շատ վատ է կազմակերպված»,- ավելացրել է նա։
Փախչանյանը հիշեցրել է, որ ժամանակին ստեղծվել էր Ռազմարդյունաբերական կոմիտե, որը պետք է զբաղվեր կազմակերպչական հարցերով, բայց սկզբում, 1-2 տարի, այն ղեկավար չուներ, իսկ հետո մշտապես բյուջեն կրճատվում էր։ «Հիմա ղեկավարը կա, բայց կառույցի գործունեության նպատակն անհասկանալի է, չկա ռազմավարություն, չկան ծրագրեր։ Այսպիսի մոտեցմամբ մենք չենք կարող ընտրել՝ պատերազմներ վարե՞լ, ինչպես դա անում է ԱՄՆ-ը, թե՞ ոչ, մեզ միայն կարող են պատերազմ պարտադրել»,- ավելացրել է նա։
Փախչանյանը կոչ է արել ղեկավարվել «Խաղաղություն ես ուզում՝ պատրաստվիր պատերազմի» սկզբունքով։ «Երբեք չես կարող իմանալ, թե ինչպես կավարտվեն բանակցությունները, իսկ պատերազմը ընդամենը բանակցությունների շարունակությունն է։ Իսկ պատերազմին պատրաստվելը օգնում է ավելի արդյունավետ վարել բանակցությունները»,- ամփոփել է նա։
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Վենեսուելայի երկինքը կարմրել է երկրաշարժից հետո (տեսանյութ)
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
ՀՀ ԱԺ արտահերթ նստաշրջան - 02.07.2026
Հայաստանի և Ադրբեջանի քաղաքացիները կկարողանան գաղտնի տեղեկատվություն տրամադրել անհայտ կորածների և հն...
Ունենք մասնագետներ, որոնք 1 մլն դրամից ավելի աշխատավարձ են ստանում պոլիկլինիկական օղակում. Ավանեսյան
Թուրքիան բարձրացրել է Բոսֆորով և Դարդանելով տարանցման արժեքը
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան
Փողաբաժանությունը ինքնաբուխ չի․ դա համակարգված, վերևից ներքև իջնող մեխանիզմ է
Ռուսաստանում ուժի մեջ է մտել ԱՊՀ-ից և Վրաստանից բեռնատարների հեռագնաց վարորդների՝ մինչև 180 օրով մնա...