Միանձնուհու հանդերձանքը դարձել է հարձակման պատճառ
Իսրայելում մեղադրանք է առաջադրվել հրեա տղամարդու նկատմամբ, որը կասկածվում է Երուսաղեմի Հին քաղաքի մոտ կաթոլիկ միանձնուհու վրա դաժան հարձակման մեջ։ Դեպքը մեծ արձագանք է առաջացրել միջազգային և քրիստոնեական շրջանակներում՝ կրկին ուշադրություն հրավիրելով Սուրբ քաղաքում քրիստոնյաների դեմ աճող բռնությունների վրա։
Մեղադրյալը 36-ամյա Յոնա Շրայբերն է՝ Իսրայելի կողմից օկուպացված Արևմտյան ափի Պեդուել բնակավայրից։ Քննության տվյալներով՝ նա հարձակվել է կնոջ վրա միայն այն պատճառով, որ վերջինս կրում էր կաթոլիկ միանձնուհու հանդերձանք։ Դեպքը տեղի է ունեցել Երուսաղեմի Հին քաղաքի պարիսպների հարևանությամբ։ Ըստ մեղադրական եզրակացության՝ տղամարդը նախ հրել է միանձնուհուն, ապա հարվածել նրան, երբ նա ընկած է եղել գետնին։ Նա նաև հարձակվել է անցորդի վրա, որը փորձել է կանգնեցնել բռնությունը։ Շրայբերին մեղադրում են կրոնական ատելությամբ պայմանավորված հարձակման մեջ։
Վերջին տարիներին կրոնական խմբերը հաճախ են ահազանգում, որ Երուսաղեմում աճում են քրիստոնյաների, ուխտավորների և հոգևորականների դեմ ոտնձգությունները։ Խոսքը վերաբերում է ինչպես վիրավորանքներին ու թքելուն, այնպես էլ ֆիզիկական հարձակումներին, որոնցում հաճախ մեղադրվում են ծայրահեղական ուլտրաօրթոդոքս հրեաներ։ Նշենք, որ Իսրայելի ոստիկանությունը սահմանափակել էր մուտքը Երուսաղեմի սրբավայրեր՝ Իրանի հետ պատերազմի ֆոնին անվտանգության նկատառումներով։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին