Նիկոլ Փաշինյանի Ազգային ժողովում հնչեցրած հայտարարության կապակցությամբ անհրաժեշտ է Մարդու իրավունքների պաշտպանի միջամտությունը
Նիկոլ Փաշինյանի Ազգային ժողովում հնչեցրած հայտարարության կապակցությամբ անհրաժեշտ է Մարդու իրավունքների պաշտպանի միջամտությունը
ՀՀ վարչապետ Նիկոլ Փաշինյանը 2022 թվականի մարտի 19-ին ՀՀ Ազգային ժողովում հայտարարել է, որ ինքն անձամբ է արգելել Վահան Քերոբյանին հրաժարական տալ էկոնոմիկայի նախարարի պաշտոնից, ու որ ինքը կորոշի, թե յուրաքանչյուր նախարար ու կառավարության անդամ ինչքան կաշխատի ու ինչքան չի աշխատի։
Քանի որ տևական ժամանակ է, որ չնայած հասարակության գրեթե բոլոր ինստիտուտների պահանջի, հրաժարական չի ներկայացնում նաև ՀՀ վարչապետ Նիկոլ Փաշինյանը, կարելի է ենթադրել, որ կա մեկը, ով նույն կերպ թույլ չի տալիս, որ նա հրաժարական տա վարչապետի պաշտոնից։
Համաձայն ՀՀ Սահմանադրության 57-րդ հոդվածի 1-ին կետի Յուրաքանչյուր ոք ունի աշխատանքի ազատ ընտրության իրավունք։ Նույն հոդվածի 5-րդ կետը սահմանում է, որ պարտադիր կամ հարկադիր աշխատանքն արգելվում է, բացառությամբ դատապարտված անձանց, զինվորականների, ինչպես նաև այն աշխատանքի, որը պահանջվում է բնակչության կյանքին կամ բարօրությանը սպառնացող արտակարգ իրավիճակների ժամանակ։
Ստացվում է, որ ՀՀ կառավարության անդամները, ինչպես նաև ՀՀ կառավարության և վարչապետին ենթակա մարմինների ղեկավարները հայտնվել են գերության մեջ, և խախտված են նրանց սահմանադրական իրավունքները։ Այդ անպաշտպան և անօգնական վիճակում, նրանք սեփական նախաձեռնությամբ չեն կարող դիմել Մարդու իրավունքների պաշտպանին և իրավապաշտպան որևէ այլ կառույցի։
Նման պայմաններում ՀՀ մարդու իրավունքների պաշտպանը պետք է սեփական նախաձեռնությամբ օգնության ձեռք մեկնի գերության մեջ հայտնված և թրաֆիքինգի զոհ դարձած մարդկանց՝ փրկելով նրանց գերությունից, իսկ մեր ժողովրդին՝ նրանց կառավարումից։
Հայաստանում վարչապետը և կառավարությունը օր առաջ պետք է հրաժարական տան և պետք է օգտվեն իրենց այդ իրավունքից։ Ոչ ոք չպետք է բռնանա նրանց կամքի վրա, ինչը կենսական նշանակություն ունի մեր պետության և ժողովրդի գոյության համար։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները