Բլինքենը արեւմտյան երկրներին կոչ է արել պահպանել միասնականությունը Ուկրաինայի դեմ ռուսական «անողոք» ագրեսիայի առջեւ
ԱՄՆ պետքարտուղար Էնթոնի Բլինկենը արեւմտյան երկրներին կոչ է արել պահպանել միասնականությունը այն բանի առջեւ, ինչը նա անվանել է «Ուկրաինայի դեմ ռուսական անողոք ագրեսիա» եւ Ուկրաինայի առաջնորդին հավաստիացրել է իրենց աջակցության մասին, հաղորդում է AP-ն:
Բլինքենը Կիեւ կատարած այցի ժամանակ Ուկրաինայի նախագահ Վլադիմիր Զելենսկուն ասել է, որ ԱՄՆ-ը եւ նրա դաշնակիցները վճռականորեն աջակցում են երկրին եւ նրա դեմոկրատական ձգտումներին՝ պոտենցիալ «ռուսական անխուսափելի ներխուժման» աճող մտավախությունների ֆոնին:
Նրա խոսքով՝ Ռուսաստանը «մոտ 100 հազար մարդով իր ռազմական ներկայությունը Ուկրաինայի հետ սահմանին մեծացնելու պլաններ ունի, այդ թիվը շուտով կարող է կրկնապատկվել»։ Բլինքենը նաեւ ասել է, որ ուրբաթ օրը Ռուսաստանի արտաքին գործերի նախարարի հետ հանդիպման ժամանակ պաշտոնական գրավոր պատասխան չի տա Ռուսաստանի պահանջներին:
«Ուկրաինական ժողովուրդը 1991թ. ընտրել է ժողովրդավարական եւ եվրոպական ուղին։ Նա 2013-ին դուրս է եկել Մայդան՝ պաշտպանելու այս ընտրությունը, եւ, ցավոք, դրանից հետո դուք բախվել եք Մոսկվայի անողոք ագրեսիային»,- ասել է Բլինքենը։ «Մեր ուժը կախված է մեր միասնության պահպանումից, այդ թվում՝ Ուկրաինայի ներսում»,- ասել է նա Զելենսկուն։ «Կարծում եմ՝ Մոսկվայի վաղեմի նպատակներից մեկը եղել է մեր երկրների միջեւ եւ նրանց ներսում տարաձայնություններ սերմանելը, մենք չենք կարող ու թույլ չենք տա նրանց դա անել»:
Ավելի վաղ Բայդենի վարչակազմը հայտարարել էր, որ Ուկրաինային տրամադրում է լրացուցիչ 200 միլիոն դոլարի պաշտպանական ռազմական օգնություն՝ նրա «ինքնիշխանությունն ու տարածքային ամբողջականությունը պաշտպանելու համար»:
Զելենսկին շնորհակալություն է հայտնել Բլինքենին օգնության համար, որը հավանության է արժանացել դեկտեմբերի վերջին, բայց պաշտոնապես հաստատվել է միայն չորեքշաբթի օրը, ինչպես նաեւ այցի եւ աջակցության հավաստիացումների համար։
«Այս (ռազմական) աջակցությունը խոսում է ոչ միայն դաշինքին միանալու Ուկրաինայի ռազմավարական ծրագրերի մասին, այլ, որ ավելի կարեւոր է, մեր զինված ուժերի մակարդակի, մեր ռազմական մատակարարումների մասին»,- ասել է նա՝ նկատի ունենալով ՆԱՏՕ-ին միանալու Կիեւի ցանկությունը։ «Եթե մենք ցանկանում ենք արմատական արագ քայլեր ձեռնարկել զինված ուժերի արդիականացման համար, մենք օգնության կարիք ունենք, հատկապես այս դժվարին ժամանակներում»,- ասել է Զելենսկին։ «Ձեր այցը շատ կարեւոր է։ Այն եւս մեկ անգամ ընդգծում է ձեր հզոր աջակցությունը մեր անկախությանը եւ ինքնիշխանությանը»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները