Ինչ բյուջետային տարբերակներով կարել է փոխարինել թանկարժեք մթերքները
Առողջ սնունդը միշտ չէ, որ թանկ է։ Շատ թանկ մթերքներ կարելի է փոխարինել ավելի բյուջետային տարբերակներով, կարծում է սննդաբան Ալբինա Կոմիսարովան (Ռուսաստան):
Instagram-ի իր էջում մասնագետը գրել է, որ որպես առողջ սննդակարգի համար կարեւոր աղբյուր հանդիսացող ամբողջահատիկներ՝ կարելի է գնել ոչ թե թանկարժեք վայրի բրինձ կամ քինոա, այլ ավելի մատչելի բլղուր, հնդկաձավար, գարի, վարսակ, կորեկ կամ հաճար։
Բջջանքի լավ աղբյուր կարող է լինել նաեւ աշորայի ալյուրից (խոշոր աղացած) հացը, վարսակի, գարու ու տարեկանի փաթիլները եւ փխրուն հացիկը (хлебцы):
Oմեգա-3 ճարպաթթուներով հարուստ կարմիր ձկանը այլընտրանք կարող է լինել ատլանտյան ծովատառեխը, սարդինան, սկումբրիան, ծիածանափայլ իշխանը, կամբալան, պերկեսը, ինչպես նաեւ՝ միդիան եւ կաղամարը:
Ինչ վերաբերում է յուղին, ապա, ըստ մասնագետի, ուտելիք պատրաստելու համար ցանկացածը հարմար է, սակայն տապակելու համար ավելի լավ է ընտրել զտված կամ կենդանական ծագում ունեցող յուղ, իսկ աղցանների համար՝ չզտված։
Ինչպես նշել է սննդաբանը, բանջարեղենը, մրգերն ու հատապտուղները սննդակարգի անհրաժեշտ բաղադրիչ են, քանի որ դրանք հարուստ են վիտամիններով եւ բջջանյութով։ Ավելի լավ է գնել սեզոնային մթերքներ, քանի որ դրանք սովորաբար ավելի էժան են եւ օգտակար: Պետք չէ անտեսել սառեցված բանջարեղենն ու հատապտուղները, որոնք սովորաբար հավաքում են շատ հասուն ժամանակ, եւ դրանք շատ ավելի էժան են, քան թարմ այլընտրանքները:
Մասնագետի խոսքով՝ պետք չէ, այսպես կոչված, սուպերմթերքների, օրինակ՝ կոկոսի շաքարի կամ հապալասի ալյուրի հետեւից ընկնել։ Իրականում, այս մթերքներն ունեն նվազագույն առավելություններ իրենց նմանների հանդեպ, թեեւ մի քանի անգամ ավելի թանկ են:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները