«Կան թեմաներ, երբ լռելը հարգանք է, իսկ «ստեղծագործելը»` ծաղրանք». Մհեր Մկրտչյան

Ռեժիսոր Մհեր Մկրտչյանը գրառում է կատարել՝ անդրադառնալով Սպիտակի երկրաշարժի 33-րդ տարելիցին։

1988-ի երկրաշարժից 2 ժամ անց հայրս տարավ ինձ Լենինական: Ես 16 տարեկան էի: Երկար ու պաթետիկ չեմ գրի: Մի բառ` տեսել եմ:

Հարգո՞ւմ եք հիշատակը։ Մի դուրս հանեք բեմ «պիդեռի» ձայնով տղաների, որ երգեն երկրաշարժի մասին:

Հարգո՞ւմ եք հիշատակը։ Մի նկարահանեք վատ ֆիլմեր երկրաշարժի մասին:

Մի արեք անելու համար: Կան թեմաներ երբ լռելը հարգանք է, իսկ «ստեղծագործելը»` ծաղրանք»,- ֆեյսբուքյան էջում գրել է նա։