Սա աննախադեպ ընտրություն է՝ Հայաստանի ու Արցախի հարցում «ցավոտ» պայմանագրեր ստորագրելու պատրաստակամության և դրան դիմակայելու հնարավորության միջև

Սա բնավ իշխանության խնդիր չէ, սա աննախադեպ ընտրություն է՝ Հայաստանի ու Արցախի հարցում «ցավոտ» պայմանագրեր ստորագրելու պատրաստակամության և գոնե դրան դիմակայելու հնարավորության միջև,- հայտարարել է իրավագիտության դոկտոր, պրոֆեսոր Գեւորգ Դանիելյանը։

Նրա ֆեյսբուքյան գրառման մեջ ասվում է.

«Աշխարհում չկա մի սահմանադրական դատարան, որը լուծած լինի իշխանության հարցը, այպիսի բան երբևէ չի լինի, այդ հարցը լուծվում է փողոցում». ՍԴ նախկին դատավոր Ֆ.Թոխյան։

Վերաբերո՞ւմ է, արդյոք, այս ունիվերսալ խոստովանությունը ներկայումս ՍԴ֊ում քննվող գործին, վստահ եմ՝ ոչ, անկախ կայացվելիք որոշումից և անկախ «փողոցում» ակնկալվող զարգացումներից։ Սա բնավ իշխանության խնդիր չէ, սա աննախադեպ ընտրություն է՝ Հայաստանի ու Արցախի հարցում «ցավոտ» պայմանագրեր ստորագրելու պատրաստակամության և գոնե դրան դիմակայելու հնարավորության միջև։ Եթե նախապատվությունը տրվեց առաջինին, ապա շատ մոտ ապագայում առնվազն ոչ մի նշանակություն չի ունենա, թե հետագայում ովքեր կլինեն իշխանության մեջ, ովքեր կլինեն

ՍԴ դատավորներ և շատ այլ կայուն թվացող երևույթներ։

Հ.Գ. Առժամանակ ձեռնպահ կմնամ գրառումներից, դեռևս իմաստ չեմ տեսնում ...»։