Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien

Ֆրանսիայի արևելքում Վենժեն-սյուր-Մոդեր համայնքում գտնվող Ռենե Լալիկի Լալիկ թանգարանից գողացել են 4 միլիոն եվրո արժողությամբ զարդեր, հաղորդում է Le Parisien-ը։

Կողոպուտը տեղի է ունեցել տեղական ժամանակով 05:30-ի սահմանում: Չարագործները կոտրել են դուռը և ջարդել ոսկերչական իրերի վեց ցուցափեղկ։ Ընդհանուր առմամբ, գողացել են 20 բյուրեղյա զարդ։

Ոստիկանությունն այժմ ուսումնասիրում է տեսախցիկների տեսագրությունները։ Թանգարանի ղեկավարությունը փակել է պատկերասրահը այցելուների համար։

2025 թվականին Լուվրի կողոպուտից հետո ֆրանսիացի ոսկերիչ և նկարիչ Ռենե Լալիկին նվիրված թանգարանը հայտարարվել էր հատուկ նշանակության վայր։ Հետևաբար, այն պետք է գտնվեր խիստ անվտանգության տակ, գրում է պարբերականը։

Թանգարանը բացվել է 2011 թվականին։ Այն ցուցադրում է ֆրանսիացի ոսկերիչ Ռենե Լալիկի և նրա իրավահաջորդների մոտ 650 աշխատանք, այդ թվում ՝ ժամանակակից ոճի ապակե և բյուրեղյա զարդեր: