Խնձորեսկում մարդկանց 60-70 տոկոսը վարկերի տակ է. Շատերն են ուզում գյուղից հեռանալ. համայնքապետ
Սյունիքի մարզի Խնձորեսկ համայնքում երիտասարդներն աշխատանք չունեն։ Մոտ 60 երիտասարդ արդեն լքել է գյուղը՝ տեղափոխվելով Երևան, Ռուսաստան։ Շատերն էլ մտադիր են հետևել նրանց օրինակին։
«Փաստինֆո»-ի հետ զրույցի ժամանակ Խնձորեսկի համայնքապետ Երվանդ Մալունցն ասաց, որ նախկինում նրանք գյուղում հողագործությամբ, անասնապահությամբ էին զբաղվում, սակայն այժմ արոտավայրերը, հողերը կրճատվել են՝ անցնելով թշնամու վերահսկողության ներքո։
«Հող չկա, որ տեխնիկայով գործ անեն։ Գյուղը լքելու մտադրություն շատերն ունեն։ Դժվարանում են գյուղում ապրել։ Մարդկանց 60-70 տոկոսը վարկերի տակ է, չեն կարողանում մարել։ Աշխատանքն էլ դժվարացել է։ Մարդիկ վարձակալած կապիտալներ, այգիներ են թողել թշնամու վերահսկողության տակ անցած հատվածում, շատ բաներ են թողել»,-ասաց Երվանդ Մալունցը։
Վերջինս նշեց, որ գյուղում անասնապահության հետ կապված նույնպես լուրջ խնդիրներ կան։ Գյուղացիներն արդեն անասուններին են վաճառում, իսկ համապատասխան մարմինների կողմից այս խնդիրներին լուծումներ դեռ չեն առաջարկվել։
Երվանդ Մալունցը նշեց, որ իրենց համայնքում փաստացի ապրող 1600 մարդ կա։ Շատերն արտերկրում են, մեծ մասն էլ ցանկանում է հեռանալ գյուղից։
Մահացել է ՀՀ վաստակավոր արտիստ Արտաշես Ալեքսանյանը
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կարծում եմ, որ այս հակամարտությունը կարող է լուծվել. Թրամփ
Շատ եմ ցանկանում, որ չեմպիոն դառնա ֆուտբոլ խաղացող հավաքականը