Դատավոր Մկրտչյանի կողմից անբարո դատական ակտ է կայացվել. փաստաբանը կարգապահական վարույթ հարուցելու դիմում է պատրաստել
Երեւան քաղաքի ընդհանուր իրավասության դատարանի դատավոր Արթուր Մկրտչյանի կողմից ապօրինի եւ անբարո դատական ակտ է կայացվել. փաստաբան Դիանա Գրիգորյանը կարգապահական վարույթ հարուցելու դիմում է պատրաստել։ Այս մասին ֆեյսբուքյան իր էջում գրել է փաստաբան Գրիգորյանը։
«Հարգելի ընկերներ, Երեւան քաղաքի ընդհանուր իրավասության դատարանի դատավոր Ա. Մկրտչյանի նկատմամբ կարգապահական վարույթ հարուցելու համար պատրաստել եմ դիմում՝ հասցեագրված Արդարադատության նախարարին եւ Ընդհանուր ժողովի Էթիկայի եւ կարգապահական հարցերով հանձնաժողովին: Դիմումի ներկայացման դրդապատճառը հանդիսացել է դատավոր Արթուր Մկրտչյանի կողմից ապօրինի եւ անբարո դատական ակտի կայացումը, որով մերժել է Արցախյան 3-պատերազմի ընթացքում զոհված հերոսի կնոջ դիմումը՝ երեխայի հայրության ճանաչման պահանջի մասին: Կարգապահական վարույթ հարուցելու նախաձեռնության շարժառիթը հետեւյալն է՝ իմ կարծիքով մեր երկրում նման անբարոյական ու արատավոր երեւույթներ են կատարվում, քանի որ ոտնահարված են բոլոր սկզբունքներն ու արժեհամակարգերը եւ մենք՝ որպես փաստաբաններ, որպես իրավաբաններ պետք է ձեւավորենք կամ վերականգնենք այն բարոյական սկզբունքներն ու արժեհամակարգերը, որոնք ընկած են պետության կառուցման եւ ազգի պահպանման հիմքում: Այս նախաձեռնությունը հենց այդ գործընթացին է ուղղված: Նաեւ կարեւորում եմ դիմումը Ընդհանուր ժողովի կարգապահական եւ էթիկայի հանձնաժողովին հասցեագրելը, որպեսզի դատավորները եւս իրենց համայնքում գնահատական տան դատավոր Արթուր Մկրտչյանի կողմից կայացված անբարոյական դատական ակտի: Համոզմունք ունեմ, որ նման եղանակով եւս կարելի է ձեւավորել արժեհամակարգեր ու սկզբունքներ ու ձեւավորել իրական ազգ, պետություն:
Քոմենթ բաժնում տեղադրում եմ կարգապահական վարույթի հարուցման դիմումը, այն բաց է քննարկման, ավելացումների համար:
Ովքեր համաձայն են մինչեւ երկուշաբթի կարող են ստորագրել դիմումը՝ որպեսզի երկուշաբթի մուտքագրենք Արդարադատության նախարարություն եւ Ընդհանուր ժողովի կարգապահական եւ էթիկայի հանձնաժողով:
Հ/Գ: Ես դիմողի ներկայացուցիչ չեմ եւ այս գործընթացը չի իրականացվում դիմողի անունից կամ որպես դիմողի ներկայացուցիչ, այս նախաձեռնությունը փաստաբանների կողմից իրականացվող գործընթաց է՝ որպես անբարոյական դատական երեւույթների դեմ պայքար»,- գրել է նա։
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Մահացել է ՀՀ վաստակավոր արտիստ Արտաշես Ալեքսանյանը
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...