«Վարդակակաչ» ՍՊԸ-ի աշխատակիցը վրաերթի է ենթարկել «Յասաման» ՍՊԸ-ի աշխատակցին

Ճանապարհային ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունքի ավագ հետաքննիչ Արտյոմ Բաբիկյանի կողմից նյութեր են նախապատրաստվում ապրիլի 24-ին Երևանում տեղի ունեցած վրաերթի փաստով: Այդ օրը՝ ժամը 21:00-ի սահմաններում Երևանի բնակիչ, 63-ամյա Հովիկ Մ.-ն իր վարած Opel մակնիշի ավտոմեքենայով Շիրակի փողոցի 41 հասցեի դիմաց վրաերթի է ենթարկել հետիոտն, Երևանի բնակիչ, 33-ամյա Հրանտ Մ.-ին:

Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնել է վրաերթի ենթարկվածին օպերատիվորեն ժամանած Երևանի 1-03 շտապօգնության բժիշկների կողմից տեղափոխել «Էրեբունի» բժշկական կենտրոն:

Դեպքի վայր են ժամանել Երևանի ճանապարհային ոստիկանության ծառայողներն ու ոստիկանության Շենգավիթի բաժնի օպերատիվ խումբը:

Գ. Շամշյանի տեղեկություններով՝ վարորդ Հովիկ Մ.-ն աշխատում է «Վարդակակաչ» ՍՊԸ-ում, իսկ վրաերթի ենթարկված Հրանտ Մ.-ն՝ «Յասաման» ՍՊԸ-ում:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

shamshyan.com

Այս թեմայով Երևանում իրանցի 36-ամյա տղամարդը սպառնացել է ինքնահրկիզվել և փորձել է խոչընդոտել ԱԱԾ աշխատակիցների աշխատանքը Ռեստորանի մոտ կռիվ է տեղի ունեցել․ 5 վիրավոր կա Պայթյուն Վարդաշենի շենքերից մեկում. ընտանիքի անդամներ են հիվանդանոց տեղափոխվել Ջրվեժում բախվել են «Mercedes»-ը և «Opel Zafira»-ն. կան վիրավորներ Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս