Նիկոլ Փաշինյանն իր քաղաքական հակառակորդների հարցը փորձում է լուծել մինչև ընտրություններ, չի ստացվի. սյունեցի պատգամավոր
Իրավիճակը Սյունիքում ժամանակ առ ժամանակ թեժանում է, տարբեր տրամաչափի զենքերից լինում են կրակոցներ Սյունիքի ուղղությամբ, բայց այս անգամ դրանք ավելի երկար և ինտենսիվ են եղել: Այս մասին «Փաստինֆո»-ի հետ զրույցում ասաց սյունեցի պատգամավոր Աննա Գրիգորյանը՝ անդրադառնալով երեկ Սյունիքի մարզի սահմանային հատվածում ադրբեջանցիների կողմից հրադադարի խախտմանը։
Պատգամավորի արձանագրմամբ՝ որքան էլ իշխանությունը փորձի ներկայացնել, թե Սյունիքում իրավիճակը հանգիստ է, փաստն այն է, որ Սյունիքի սահմաններն անվտանգ չեն:
Զրուցակիցը չբացառեց, որ կրակոցները պայմանավորված լինեն Փաշինյանի՝ Սյունիք կատարած այցով.
«Միգուցե տեսել են, ինչ մեծ աժիոտաժ է բարձրացրել Փաշինյանի այցը Սյունիք, դրանից ոգևորվել են և սկսել են կրակել» ,-ասաց Աննա Գրիգորյանը:
Ինչպես արդեն տեղեկացրել ենք՝ նախօրեին Նիկոլ Փաշինյանն անակնկալ այցելել էր Սյունիք, ինչն առաջացրել էր բնակիչների դժգոհությունը։ Նրան դիմավորել են՝ «Նիկոլ, դավաճան», «կապիտուլյանտ» և այլ վանկարկումներով։ Փաշինյանն անմիջապես Սյունիքի մարզպետարանում խորհրդակցություն է հրավիրել ու իրավապահներին հանձնարարել անհապաղ կտրուկ քայլեր ձեռնարկել եւ պատժել։ Նույն խորհրդակցության ժամանակ նրան անմիջապես զեկուցեցին, թե քրեական գործ է հարուցվել։ Այսօր արդեն հայտնի է դարձել, որ նշված քրեական գործի շրջանակներում 16 ձերբակալվել է։
Ընդդեմ Փաշինյանի այցի ընդվզողների նկատմամբ հետապնդումները պատգամավորը դիտարկում է նախընտրական գործընթացների համատեքստում.
«Սյունիքի համայնքապետերը իրենց բողոքն էին հայտնում դեռևս ամիսներ առաջ: Նիկոլ Փաշինյանը նաև իր քաղաքական հակառակորդների, ընդդիմախոսների հարցն է փորձում լուծել մինչև ընտրությունները, դա իր մոտ չի ստացվի»,-ասաց Աննա Գրիգորյանը:
Մահացել է ՀՀ վաստակավոր արտիստ Արտաշես Ալեքսանյանը
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...