Դավիթ Բաբայանը չի բացառում, որ ադրբեջանցիները վաճառում են գերեվարված քաղաքացիների օրգանները
Այն ինչ կատարվում է Ադրբեջանում մեր ռազմագերիների հետ միջազգային և մարդասիրական իրավունքների կոպտագույն խախտում է,- այս մասին «Փաստինֆո» -ի հետ զրույցում ասաց Արցախի Հանրապետության արտգործնախարար Դավիթ Բաբայանը եւ ընդգծել. «այս ամենը պետական բարձրագույն մակարդակում ահաբեկչություն և ավազակապետություն է»:
Հիշեցնենք, որ երեկ Ադրբեջանի արտաքին գործերի նախարարը հայտարարել է, թե իրենց մոտ այլեւս հայ ռազմագերիներ չկան, իսկ Բաքվում գտնվող հայորդիներին ներկայացրել են որպես դիվերսանտներ։
«Ադրբեջանը հերթական անգամ ցույց է տալիս իր իրական դեմքը, մենք դա երբեք չենք մոռացել: Չնայած, այնուամենայնիվ, ոմանք մոռանում են, թե ինչ են իրենցից ներկայացնում Ադրբեջանը և Թուրքիան: Տպավորություն է ստեղծվում, որ այդ երկրները հատուկ հիշեցնում են մեզ դրա մասին:
Միջազգային հանրությունը պետք է արձագանքի այս իրավիճակին և իր գնահատականը տա, բայց այս հարցում նույնպես մենք չպետք է չափազանց մեծ սպասումներ ունենանք: Մենք պետք է անընդհատ աշխատենք այս հարցով, տարբեր միջազգային ատյաններում: Այն, ինչ անում է Ադրբեջանը, միջազգային մարդասիրական իրավունքի կոպիտ խախտում է, հնարավոր է, որ այնտեղ մեր գերիները ենթարկվում են խոշտանգումների, տարբեր տեսակի անմարդկային վերաբերմունքի», - շեշտել է Բաբայանը:
Երեկ՝ ապրիլի 8-ին, ՀՀ իշխանական խողովակներով տեղեկատվություն տարածվեց, թե ռազմագերիների խումբ է վերադառնալու հայրենիք եւ այդ նպատակով Մուրադովը մեկնել է Բաքու, անգամ ծնողներ էին գնացել օդանավակայնի տարածք՝ զավակներին դիմավորելու։ Մինչդեռ, ինքնաթիռը վայրէջք է կատարել՝ առանց գերիների։ Արցախում ռուսական խաղաղապահ զորքերի հրամանատար Ռուստամ Մուրադովն այսօր հայտարարել է, որ իրականում գերիներ վերադարձնելու պայմանավորվածություն չի եղել եւ իր այցը պայմանավորված չի եղել նրանց տեղափոխումն իրականացնելու հանգամանքով։ Ավելին, նման տեղեկատվության տարածումը նա պրովոկացիա է որակել։
Արցախի արտգործնախարարի գնահատմամբ՝ երեկ տեղի ունեցած միջադեպի հարված է հասցվել նաեւ խաղաղապահ առաքելությանը:
«Հասկանալի է, որ երեկվա միջադեպը պատահականություն չէր, դա լավ մտածված ծրագրի մի մաս էր: Ադրբեջանը երբեք պատահական ոչինչ չի անում»,- նկատեց նա:
«Փաստինֆո»-ի հարցին, թե որքանով են հավաստի տեղեկությունները, որ ադրբեջանցիները վաճառում են գերեվարված քաղաքացիների օրգաններ, Արցախի ԱԳՆ ղեկավարը պատասխանեց, որ դա բացառել չի կարելի:
«Ես ուզում եմ շեշտել, որ միջազգային հանրությունը պետք է բոլոր ջանքերը գործադրի մեր գերիներին և ռազմագերիներին ադրբեջանական գերությունից ազատելու համար», - շեշտեց Բաբայանը:
Մահացել է ՀՀ վաստակավոր արտիստ Արտաշես Ալեքսանյանը
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Շատ եմ ցանկանում, որ չեմպիոն դառնա ֆուտբոլ խաղացող հավաքականը