Այվազյանը Լավրովի հետ հանդիպման ժամանակ ընդգծել է հայ ռազմագերիների անհապաղ հայրենադարձության անհրաժեշտությունը
Հայաստանի արտգործնախարար Արա Այվազյանը իր ռուս գործընկեր Սերգեյ Լավրովի հետ հանդիպման ժամանակ ընդգծել է եռակողմ հայտարարության խախտմամբ ադրբեջանցիների մոտ գտնվող հայ ռազմագերիների եւ պատանդների անհապաղ հայրենադարձության անհրաժեշտությունը։ Հանդիպումը կայացել է ԱՊՀ ԱԳ նախարարների խորհրդի շրջանակներում։
Ինչպես հայտնեցին ՀՀ ԱԳՆ Մամուլի ծառայությունից, առանձին զրույցի ընթացքում արտգործնախարարները քննարկել են Լեռնային Ղարաբաղի հակամարտությանը վերաբերող հարցերի լայն շրջանակ, այդ թվում` 2020թ. նոյեմբերի 9-ի համաձայնագրի դրույթների կատարումը, ինչպես նաեւ հունվարի 11-ի եռակողմ հայտարարությունն ու ընթացիկ իրադարձությունները: Այս համատեքստում նախարար Այվազյանն ընդգծել է եռակողմ հայտարարությամբ նախատեսված պարտավորությունների խախտմամբ ադրբեջանական կողմում պահվող հայ ռազմագերիների եւ պատանդների անհապաղ վերադարձնելու անհրաժեշտությունը:
Այվազյանը լուրջ մտահոգություն է հայտնել Ադրբեջանի վերահսկողության տակ գտնվող տարածքներում հայկական մշակութային եւ կրոնական հուշարձանների դեմ կանխամտածված հարձակումների կապակցությամբ` ընդգծելով տարբեր գործոններով այդ ժառանգության պաշտպանությանն ուղղված միջոցառումների ձեռնարկման հրատապությունը:
Արտաքին գործերի նախարարները մանրամասն քննարկել են հայ-ռուսական դաշնակցային համագործակցության երկկողմ օրակարգի հարցերի լայն շրջանակ, բարձր մակարդակի շփումների առաջիկա ժամանակացույցը: Կողմերը մտքեր են փոխանակել բազմակողմ ձեւաչափով փոխգործակցության վերաբերյալ:
Մահացել է ՀՀ վաստակավոր արտիստ Արտաշես Ալեքսանյանը
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
«Ուժեղ Հայաստան»-ը կվերցնի մանդատները և կգնա Ազգային ժողով
Ուկրաինան հարվածել է Ռուսաստանի վերջին խոշոր նավթավերամշակման գործարանին
Կասեցվել է Վանաձորի գազալցակայաններից մեկի հեղուկ գազի վաճառքը
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Շատ եմ ցանկանում, որ չեմպիոն դառնա ֆուտբոլ խաղացող հավաքականը