Դատավորներն ամեն կերպ ցույց են տալիս, որ չեն կատարելու քաղաքական պատվերներ. Լուսինե Սահակյան
Հեղափոխությունից անմիջապես հետո գործող իշխանության թիրախում է եղել դատական համակարգը և փաստ է՝ նրանց համար ձեռնտու չէ անկախ դատական համակարգը, այլ նրանց պետք է, որ դատավորները ամբողջությամբ ենթարկվեն իրենց: Այս մասին Tert.am-ի հետ զրույցում ասաց փաստաբան Լուսինե Սահակյանը:
«Դատարանները և դատավորները սկսել են թիրախավորվել հեղափոխությունից անմիջապես հետո, քանի որ գործող իշխանությունը փորձեց լրիվ իրենց ենթարկեցնել դատավորներին, և վերջին զարգացումները ամենևին էլ նորություն չէին, քանի որ այս իշխանություններին ձեռնտու չէ անկախ դատական համակարգը և նրանք ամեն ինչ անում են, որ դատավորները ամբողջությամբ ենթարկվեն իրենց»,- ասաց Լուսինե Սահակյանը:
Փաստաբանը նաև նշեց, որ դատավորները ամեն կերպ փորձում են ցույց տալ՝ չեն պատրաստվում կատարել քաղաքական պատվերներ և անօրինականություններ անել, բայց հիմա տեղի են ունենում հերթական հետապնդումները դատավորների վրա:
«Դատավորները ցույց տվեցին՝ չեն ցանկանում քաղաքական պատվերներ կատարել, դատավորները պատրաստ չեն այդպիսի բռի խախտումների գնալ հատկապես նրանից հետո, երբ մենք կորցրեցինք մեր երկրի մեծ մասը, իսկ դրանից հետո սկսվեցին քաղաքական հետապնդումները: Հիմա հերթական հարձակումներն են դատական համակարգի նկատմամբ, քանի որ այդ համակարգը գործող իշխանությանը չի ենթարկվում, բայց դատական համակարգը յուրացնելը նրանց մոտ չի ստացվի և դա ցույց տվեց տարիների փորձը»,- նշեց փաստաբանը:
Նրա հավաստմամբ՝ գործող ուժը չի հասկանում դատական համակարգի ուժը, այլ նրանց համար կարևոր է պահել իշխանությունը և հետապնդել անձնական շահը:
«Դատական համակարգի ուժեղ լինելը միշտ պետք է անհրաժեշտ լինի պետությանը, բայց իշխանությունը ոչինչ հաշվի չի առնում, ո՛չ իրավունք, ո՛չ հայրենիք, ո՛չ ժողովրդավարություն, իրենց համար չկա ոչինչ, կա ուղղակի իրենց անձնական շահը և իշխանությունը պահելու մոլուցքը, իսկ դրա համար նրանք ոչնչի առաջ չեն կանգնում»,- մեկնաբանեց նա:
Լուսինե Սահակյանը նաև նշեց՝ ի տարբերություն դատավորների, դատախազությունը և ԱԱԾ-ն հեղափոխությունից անմիջապես հետո կատարում էին իշխանության պահանջները:
«Դատախազությունը հեղափոխությունից հետո ցույց տվեց, որ իրենք պատրաստ չեն իրենց իրական դերակատարումը իրականացնել, հետևաբար ենթարկվեցին իշխանության պահանջներին և կատարեցին այնպիսի գործողություններ, որից հետո այլևս նրանք ի վիճակի չեն լինել անկախ, նույն կերպ նաև աշխատեց ԱԱԾ-ն, նա ենթարկվեց իշխանություններին և չկատարեց իր պարտականությունները, ինչի արդյունքում մենք կորցրեցինք մեր հայրենիքը»,- ասաց Լուսինե Սահակյանը:
Մահացել է ՀՀ վաստակավոր արտիստ Արտաշես Ալեքսանյանը
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
«Ուժեղ Հայաստան»-ը կվերցնի մանդատները և կգնա Ազգային ժողով
Ուկրաինան հարվածել է Ռուսաստանի վերջին խոշոր նավթավերամշակման գործարանին
Կասեցվել է Վանաձորի գազալցակայաններից մեկի հեղուկ գազի վաճառքը
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Շատ եմ ցանկանում, որ չեմպիոն դառնա ֆուտբոլ խաղացող հավաքականը