Ադրբեջանում գտնվող 5 հայ գերիներն արդեն պետք է վերադարձվեին, սակայն ես ազատվեցի պաշտոնից և գործընթացը կիսատ մնաց․ Արթուր Վանեցյան
Երթերի ժամանակ մենք տեսնում ենք «Հայրենիքի փրկության շարժման» նկատմամբ մարդկանց դրական վերաբերմունքը, տեսնում ենք՝ ինչպես են մասնագիտական բոլոր հանրույթները, հոգևոր իշխանությունները, գործող և նախկին նախագահները, Զինված ուժերը, գրեթե բոլորը պահանջում Նիկոլ Փաշինյանի և նրա կառավարության հրաժարականը, ովքեր փորձում են ամեն կերպ ձգել իրենց իշխանությունը: Այս մասին այսօր «Հայրենիքի փրկության շարժման» հանրահավաքի ժամանակ լրագրողների հետ զրույցում ասած ԱԱԾ նախկին պետ, «Հայրենիք» կուսակցության նախագահ Արթուր Վանեցյանը:
«Իշխանությունը փողոցում գցված է, դա շատ վատ արտահայտություն է, բայց իրականությունն այդպես է: ՀՀ վարչապետի պաշտոնը զբաղեցնող անձը այսօր չունի իշխանություն ՀՀ-ում: Ինքը չի կարող այսօր հրամաններ տալ նախարարություններին, գերատեսչություններին, նրան այլևս լուրջ չեն ընդունում, դա պետք է հասկանալ և շարժվել առաջ»,– ասաց նա:
Հարցին, թե ինչ տեղեկություն ունի այսօր Նիկոլ Փաշինյանի և Արմեն Սարգսյանի հանդիպման մասին, Վանեցյանը նշեց. «Ըստ պաշտոնական տեղեկատվության՝ գնացել է հիվանդատես, ըստ այլ տեղեկությունների՝ գնացել էր «ճնշելու» նախագահին, որ ստորագրեր Օնիկ Գասպարյանին պաշտոնից ազատման միջնորդությունը»:
Նկատառմանը, որ Փաշինյանը հայտարարել է, որ պատրաստ է գնալ արտահերթ խորհրդարանական ընտրությունների ճանապարհով, Վանեցյանն ընդգծեց. «Մեր դիրքորոշումը մեկն է՝ Նիկոլ Փաշինյանը պետք է հեռանա, որից հետո պետք է գա ժամանակավոր կառավարություն և նոր միայն կազմակերպվեն արտահերթ խորհրդարանական ընտրություններ: Նիկոլ Փաշինյանի հետ մենք ընտրությունների չենք գնալու, քանի որ Հայաստանի համար այս դժվար իրավիճակում Նիկոլ Փաշինյանն ի վիճակի չէ կազմակերպել խորհրդարանական ընտրություններ: Մեր ցույցերը շարունակվելու են այնքան ժամանակ, քանի դեռ Նիկոլ Փաշինյանը հրաժարական չի տվել, իսկ այդ օրը շատ մոտ է»:
Դիտարկմանը, որ օրեր առաջ նա հայտարարել է, որ կարող է իր անձնական կապերը օգտագործելով վերադարձնել գերիներին, ինչու ԱԱԾ պետի պաշտոնում գտնվելու ժամանակ չօգտագործեց այդ կապերը Ադրբեջանում գտնվող 5 գերիներին վերադարձնելու նպատակով, Վանեցյանը շեշտեց. «Աշխատանքները տարվում էին, նրանք արդեն պետք է վերադարձվեին, ցավոք սրտի ես ազատվեցի աշխատանքից և չկարողացա աշխատանքներս հասցնեմ իրենց տրամաբանական ավարտին»:
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Վթարային ջրանջատում Երևանի Էրեբունի վարչական շրջանում
Կասեցվել է Արդենիս գյուղում գործող կաթնամթերքի արտադրամասի գործունեությունը․ ՍԱՏՄ
Ոչնչացվել է Nestle ընկերության NAN ապրանքանիշի մանկական սննդի որոշ խմբաքանակ. ՍԱՏՄ
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Թրամփը հայտարարել է «Ազատություն» նախագծի գործողության կասեցման մասին
2026 թվականի 2-րդ քննաշրջանի դրսեկության ձևով (էքստեռն) ավարտական քննություններ․ դիմումներն ընդունվո...
Վահագն Խաչատուրյանն ընդունել է Philip Morris International ընկերության պատվիրակությանը
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Lufthansa-ն նախազգուշացրել է տոմսերի սպասվող թանկացումների և չվերթների կրճատման մասին