Ինչ վիճակում է մեր տնտեսությունը
Ինչ հալի ենք՝ տնտեսությունը, այսինքն մեր ստեղծածը:
Տնտեսության վիճակը չափվում է ՀՆԱ կոչեցյալով՝ որևէ ժամանակահատվածի ընթացքում երկրի տարածքում ստեղծված բոլոր ապրանքների և ծառայությունների շուկայական արժեքը:
Ծախսային մեթոդովIN հաշվարկելու դեպքում սա ներառում է մասնավոր հատվածի սպառումը (ավելի ճիշտ ոչ պետական հատվածի), ներառում է այս հատվածի կողմից ներդրումները (օրինակ քաղաքացու տուն գնելը կամ բիզնեսի կողմից սարքավորում գնելը), ներառում է պետության ծախսածը, նաև կապիտալ ներդրումների տեսքով (այսինքն ներառում է և՛ ընթացիկ ծախսերը, օրինակ, աշխատավարձ և պարգևավճար պետ-ծառայողներին, և՛ կապիտալ ծախսերը, օրինակ, ճանապարհների կառուցում), և վերջապես ներառում է արտահանման և ներմուծման տարբերությունը:
Հիմա այս բանաձևը հիշենք ու հասկանանք ինչ հալի ենք: Ուրեմն 2020-ին պետությունը պլանավորել էր ծախսել (ճշտված պլանով) շուրջ 700 միլիոն դոլարով ավելին քան հավաքագրելու էր եկամուտներ: Ստացվում է ինչ: Այն ՀՆԱ-ն, որ 2020-ին լինելու է շուրջ 8%-ով ավելի քիչ քան 2019-ին էր, իր մեջ ներառում է այս 700 միլիոն դեֆիցիտ (պետական եկամուտ հանած պետական ծախս) փողը, որը պարտք են վերցրել: Այսինքն, եթե այսքան պարտք չանեին ու չծախսեին, ապա ՀՆԱ-ն շատ ավելի մեծ տոկոսով էր նվազելու:
Բայց սա դեռ սկիզբն է: 2021-ի ՀՆԱ-ն էլի մի 700 միլիոն պարտքով փողի ծախս է ներառելու ըստ Կառավարության պլանի: Սրանով հանդերձ տնտեսությունը ունենալու է իրենց հաշվարկով մի 3% աճ 2020-ի ՀՆԱ համեմատ, բայց սրանով հանդերձ ասում են, որ հավաքագրելու են շուրջ 300 միլիոն դոլար ավելի քիչ բյուջեի եկամուտ: Ստացվում է, որ այս ՀՆԱ աճը «ձևական՝ նկարած» է լինում պետության կողմից պարտքով ծախսած փողի հաշվին: Հիշում ենք չէ, որ ՀՆԱ կոչեցյալը ներառում է նաև պետական ծախսը:
Այսինքն պարտքերով ՀՆԱ ենք նկարելու:
Այս ամենը այսքան տխուր չէր լինի, եթե այդ պարտք վերցրած փողերով սարքեին ենթակառուցվածքներ, այսինքն զարգացման նախադրյալներ ստեղծվեին: Սակայն, դա տեղի չի ունենա, եթե ուշադիր հետևեք որոշ անմեղսունակ պատգամավորներ ասում են, թե պարտքը ինչի վրա են ծախսելու:
Սրանով հանդերձ մի բան էլ. ՀՆԱ կոչեցյալը բիզնեսի սեփականատիրոջ ազգը չի հարցնում: Այսինքն, եթե օրինակ հայկական հանքի տերը բյուզանդացի է, ապա այդ հանքից կորզածի շուկայական արժեքը մտնում է մեր ՀՆԱ մեջ, սակայն բարիքի մեծ մասը գնում Բյուզանդիա, քանի որ տերը այնտեղից է:
Այ սենց «մազալո» բաներ: Զարգանում ենք, մի ուրիշ կարգի:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները