Պուտինը հեռախոսազրույց է ունեցել Թրամփի հետ
ՌԴ նախագահ Վլադիմիր Պուտինը հեռախոսազրույց է ունեցել ԱՄՆ նախագահ Դոնալդ Թրամփի հետ, հայտնում է Կրեմլի մամուլի ծառայությունը:
Հաղորդվում է, որ կողմերը հանգամանալից քննարկել են ռազմավարական կայունությանն ու սպառազինությունների վերահսկողությանն առնչվող խնդրահարույց հարցերը՝ հաշվի առնելով միջազգային խաղաղության և անվտանգության ապահովման հարցում ՌԴ-ի և ԱՄՆ-ի հատուկ պատասխանատվությունը:
Այդ համատեքստում հաստատվել է այդ հարցերի շուրջ երկկողմ քննարկումների արդիականությունը, ներառյալ՝ ռազմավարական հարձակողական սպառազինությունների սահմանափակման և կրճատման հարցերով պայմանագրին վերաբերող հարցերը: Ընդգծվել է նաև ՄԱԿ ԱԽ մշտական անդամ երկրների գագաթնաժողով անցկացնելու ռուսական նախաձեռնության կարևորությունը, որի նպատակը միջազգային անվտանգային խնդիրներին առնչվող հարցերի քննարկումն է:
Կողմերն անդրադարձել են նաև Իրանի միջուկային ծրագրին: Երկուստեք շեշտվել է հավաքական ջանքերի անհրաժեշտությունը՝ ուղղված տարածաշրջանային կայունության և միջուկային չտարածման ռեժիմի պահպանմանը:
Նախագահները նաև նշել են, որ տրամադրված են զարգացնել ռուս-ամերիկյան առևտրատնտեսական փոխգործակցությունը, դրական գնահատական է տրվել կորոնավիրուսի տարածման դեմ պայքարում երկկողմ համագործակցությանը:
Ալյասկայում Ուկրաինայի վերաբերյալ համաձայնություն չի եղել. Ռուբիո
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
ՀՀ վարչապետ Նիկոլ Փաշինյանի ճեպազրույցը ուղիղ
ԱԱ-2026-ի փլեյ-օֆֆի նախնական ցանցն ունի հետևյալ տեսքը
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Կուսակիցները փակ հանդիպմանը կոշտ քննադատության են ենթարկել Թրամփին