Կանադան կոչ է անում կողմերին չդիմել ուժի կիրառման, հարգել հրադադարի ռեժիմը․ Կանադայի ԱԳ նախարար

Հայ-ադրբեջանական սահմանի երկայնքով բռնությունների վերաբերյալ Կանադայի արտաքին գործերի նախարար Ֆրանսուա-Ֆիլիպ Շամպայնը հայտարարությամբ է հանդես եկել։ Նա մասնավորապես նշել է․

«Կանադան անհանգստացած է հայ-ադրբեջանական սահմանի երկայքնով բռնությունների կապակցությամբ»։

«ԵԱՀԿ Մինսկի խմբի հետ մեկտեղ Կանադան վճռականորեն կոչ է անում երկու կողմերին չդիմել ուժի կիրառման, հարգել հրադադարի ռեժիմը և պաշտպանել քաղաքացիներին»։

«Այս հակամարտության հանգուցալուծումը պետք է հաշվի առնի Հելսինկյան եզրափակիչ ակտը, մասնավորապես՝ ուժի չկիրառման, տարածքային ամբողջականության և ինքնորոշման սկզբունքները»։