Կրեմլը խորապես անհանգստացած է հայ-ադրբեջանական սահմանին զինված բախումներով

 Կրեմլում խորապես անհանգստացած են Հայաստանի եւ Ադրբեջանի սահմանին զինված բախումներով եւ կոչ են անում կողմերին դադարեցնել կրակն ու ցուցաբերել զսպվածություն։ Այս մասին հայտարարել է Կրեմլի խոսնակ Դմիտրի Պեսկովը։ «Մենք խորապես անհանգստացած են հայ-ադրբեջանական սահմանին զինված բախումներով։ Մենք կոչ ենք անում զսպվածության եւ հրադադարի ռեժիմի շրջանակում ստանձնած պարտավորությունների կատարման»,- ասել է Պեսկովը։ Նա նաեւ հավելել է, որ Ռուսաստանը պատրաստ է գործադրել միջնորդական ջանքեր կարգավորման համար, որպես Մինսկի խմբի համանախագահ։ Պեսկովը նաեւ ասել է, որ Լավրովը հեռախոսազրույցներ է ունեցել Երեւանում եւ Բաքվում իր պաշտոնակիցների հետ եւ կրկին կոչ են անում ցուցաբերել զսպվածություն։