Կիմ Չեն Ընը պատմել է, թե ինչպես Հյուսիսային Կորեային հաջողվել կանխել COVID-19-ի տարածումը

Հյուսիսային Կորեայի առաջնորդ Կիմ Չեն Ընը հայտարարել է, որ ԿԺԴՀ-ին հաջողվել է կանխել COVID-19-ի տարածումը կուսակցության Կենտրոնական կոմիտեի հեռատես ղոկավարության եւ քաղաքացիների բարձր գիտակցության շնորհիվ, հայտնում է «Ինտերֆաքս»-ը՝ վկայակոչելով Կորեայի Կենտրոնական հեռագրական գործակալությունը։

«Մենք ամբողջությամբ կանխել ենք չարորակ վիրուսի տարածումը եւ կայուն հակահամաճարակային իրավիճակ ենք պահպանել՝ չնայած համաշխարհային առողջապահական ճգնաժամին, ինչը կուսակցության Կենտրոնական կոմիտեի հեռատես ղեկավարության փայլուն հաջողությունն է եւ բոլոր այն մարդկանց ցուցաբերված գիտակցական համակեցության բարձր զգացումը, որոնք մի ամբողջության նման են շարժվում տալիս կուսակցության Կենտրոնական կոմիտեի պատվերով»,- գրում է ԿԿՀԳ-ն Կիմ Չեն Ընի ելույթի մասին։

Հյուսիսային Կորեայի առաջնորդի խոսքով՝ անհրաժեշտ է շարունակել ամրապնդել հակահամաճարակային աշխատանքը՝ «պետության անվտանգությունը եւ ժողովրդի բարեկեցությունը լիարժեք կերպով ապահովելու համար»:

«Նա ընդգծել է առավելագույն զգոնության պահպանման անհրաժեշտությունը` առանց հակահամաճարակային ճակատում ինքնահանգստացման կամ թուլացման, ինչպես նաեւ՝ անհրաժեշտությունը վերականգնել եւ ավելի կոշտ հակահամաճարակային ջանքեր գործադրել ստեղծված իրավիճակում, երբ չարորակ վարակիչ հիվանդության երկրորդ տարածման միտումը հարեւան երկրներում շարունակում է պահպանվել»,- պարզաբանում է գործակալությունը։

ԿԺԴՀ-ն հայտնում էր, որ COVID-19-ի դեպքեր երկրում չեն գրանցվել: Սակայն հունվարի վերջից երկիրը մի շարք միջոցառումներ էր ձեռնարկել է նոր տեսակի կորոնավիրուսի տարածումից պաշտպանվելու համար։