Թրամփ. Ջո Բայդենի հաղթանակի դեպքում երկրում կստեղծվի անկառավարելի վիճակ
ԱՄՆ նախագահ Դոնալդ Թրամփը ելույթ է ունեցել Ֆենիքսում իր աջակիցների’ Ուսանողները հանուն Թրամփի նախաձեռնության հանրահավաքում երեքշաբթի օրը: Նախագահն իր խոսքում խստորեն քննադատել է դեմոկրատական կուսակցությանն ու իր հակառակորդ Ջո Բայդենին: Այս մասին գրում է Ամերիկայի Ձայնը։
«Ծայրահեղ ձախակողմյան ուժերը ատում են մեր պատմությունը: Նրանք ատում են մեր արժեքները և այն ամենը, ինչին մենք հավատում ենք որպես ամերիկացիներ: Մենք ճիշտ ենք, քանի որ մեր պետությունը չի հզորացել իրենց շնորհիվ, այլ հզորացել է ի շնորհիվ Ձեզ և Ձեր գաղափարախոսության և մտքի թռիչքի»,- ասել է նախագահը:
Թրամփը քննադատել է նախորդ օրերին մայրաքաղաքում տեղի ունեցած զարգացումները բողոքի ցույցերի ընթացքում, երբ ցուցարարները փորձել են տապալել նախագահ Էնդրյու Ջեքսոնի արձանը, որը կանխվել է ոստիկանության կողմից: Նա ընդգծել է, որ հուշարձաններ տապալող և փողոցներում անկարգություններ հրահրող մարդկանց իշխանության գալուն պես, ոչ ոք անվտանգ չի լինի:
Նախագահը հայտարարել է, որ Ջո Բայդենի հաղթանակի դեպքում երկրում կստեղծվի անկառավարելի վիճակ, որին անկարող կլինի արձագանքել նախկին փոխնախագահը: Նա նշել է, որ անգամ նախագահ Օբաման երկար ժամանակ չէր խոսում Բայդենին աջակցելու մասին և միայն վերջերս է միացել նրան:
Դրա հետ մեկտեղ իր խոսքում նախագահ Թրամփն ընդգծել է, որ նախկին նախագահ Օբամայի բոլոր ջանքերն, ընդդեմ Թրամփի 2016 թվականի ընտրությունների ժամանակ, ձախողվեցին:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
94 տարեկանում մահացել է սպարապետ Վազգեն Սարգսյանի հայրը
Ով ինչպես է սիրում Հայաստանը
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
«Գոլդեն Ֆլորենս»-ի արտադրական գործունեությունը կասեցվել է