Սիլիկոնյան հովտի բնակիչները մտածում են լողացող կղզիներում պետություն ստեղծելու մասին

Մոտ 10 տարի առաջ միլիարդատեր եւ ներդրող Փիթեր Թիլը Կալիֆորնիայից 1.7 միլիոն դոլար ներդրեց օվկիանոսում լողացող եւ քաղաքականապես ինքնավար կղզիներ ստեղծելու նախագծի համար: 2017-ին նա հրաժարվեց իր ուտոպիական ձեռնարկությունից, սակայն սիսթեյդինգի՝ որեւէ կոնկրետ երկրի իրավասությունիս դուրս բաց ծովում լողացող ազատ համայնքերում բնակության գաղափարը շարունակում էր շրջանառվել Սիլիկոնյան հովտի ազատական մտածող բնակիչների շրջանում, փոխանցում է HighTech+- ն:

Կորոնավիրուսի համավարակը եւ դրա հետ կապված սոցիալ-տնտեսական գործընթացներն էլ ավելի մեծ ուշադրություն են ուղղել դրա վրա: Մի շարք խոշոր ձեռնարկատերեր եւ տնօրեններ Սիլիկոնյան հովտից, չսպասելով լողացող կղզու կառուցմանը, թաքնվել են Նոր Զելանդիայի իրենց շքեղ բունկերներում: Բայց միեւնույն ժամանակ աճել է նաեւ հետաքրքրությունն անկախ բնակավայրերի նախագծերի նկատմամբ, գրում է BI-ը:

«Սիլիկոնյան հովտի նման տեխնոկենտրոններում մարդիկ բնակության այլ վայրեր են փնտրում՝ ավելի էժան, անվտանգ եւ ավելի լավ կառավարվող,- ասել է Ֆրիդմանը:- Լինի դա սիսթեյդինգ մեկ ընտանիքի համար, բարենպաստ հարկային համակարգ ունեցող երկրիր տեղափոխում կամ խարտիա-քաղաքի կառուցում»:

Խարտիա-քաղաքը փոքր-ինչ տարբերվում է լողացող կղզու համայնքից, քանի որ այն գտնվում է որեւէ պետության տարածքում, որը պետք է համաձայնություն տա այդպիսի անկախ սուբյեկտի ձեւավորման համար: Սակայն Ֆրիդմանը բանակցություններ է վարում լողացող կղզիների կառուցապատողների հետ՝ խարտիա-քաղաք կառուցելու համար: Կառուցման ենթադրյալ վայրը նա չի հրապարակում:

Ազատական ​​կղզիների գաղափարախոսությունը տեղավորվում է «ութ իմպերատիվներում», որոնց թվում են՝ հարստություն աղքատներին, բժշկություն հիվանդներին, սնունդ սովածներին, հոգատարությունը շրջակա միջավայրի նկատմամբ: Բացի այս, այն ազատություն է ենթադրում հարկերից եւ պետական ​​իշխանությունից: