ՄԱԿ գլխավոր քարտուղարը նախազգուշացրել է պարենային աղետի սպառնալիքի մասին
Կորոնավիրուսի համավարակի պատճառով աշխարհը կարող է բախվել գլոբալ պարենային աղետի, եթե շտապ միջոցներ չձեռնարկվեն, նշված է ՄԱԿ գլխավոր քարտուղար Անտոնիու Գուտերեշի վերլուծական գրառման մեջ, փոխանցում է «ՌԻԱ Նովոստի»-ն:
Նրա խոսքով՝ COVID-19 համավարակը սպառնալիք է ներկայացնում աշխարհի առավել խոցերի հանրույթներին սնունդով ապահովելուն: Գոյություն ունեցող պարենային համակարգերի գործառնությունը կարող է խախտվել նոր գլոբալ ռեցեսիայի եւ կորոնավիրուսով պայմանավորված սահմանափակումների պատճառով, նախազգուշացնում է ՄԱԿ գլխավոր քարտուղարը:
«Սա նաեւ կարող է հանգեցնել ծանր հետեւանքների: Եթե շտապ միջոցներ չձեռնարկվեն, ընթացիկ իրավիճակը կարող է վերածվել գլոբալ պարենային աղետի»,- նշել է Գուտերեշը:
Նրա խոսքով՝ շատ երկրներ արդեն զգում են սննդամթերքի սուր պակասը:
«Դեռեւս մինչեւ համավարակի սկսվելը հարյուր միլիոնավոր մարդիկ քաղցում ու թերսնվում էին»,- նշել է նա:
ՄԱԿ գլխավոր քարտուղարը մի շարք հանձնարարականներ է տվել: Նրա կարծիքով՝ պետությունները, մասնավորապես, պետք է ապահովեն պարենային հատվածի աշխատողների պատշաճ պաշտպանությունը, համոզվեն, որ հումանիտար օգնության շրջանակում սննդամթերքի չափազանց կարեւոր մատակարարումները առանց խոչընդոտների հասնում են բնակչության առավել խոցելի խմբերին:
Գուտերեշի կարծիքով՝ անհրաժեշտ է առեւտրային միջանցքները բաց պահել եւ ապահովել գյուղատնտեսական արտադրանքի մատակարարումների շղթայի անընդհատությունը:
Դրանից բացի, նրա կարծիքով, անհրաժեշտ է ընդլայնել տեղեկությունների փոխանակման մասշտաբները, որպեսզի առավել օպերատիվորեն ստացվեն տվյալներն «այն մասին, թե ով է տառապում սովից ու թերսնումից, որտեղ են գտնվում եւ ինչպիսի աջակցություն է նրանց անհրաժեշտ ցույց տալ»:
«Երկրները պետք է ապահովեն երաշխավորված հասանելիություն անվտանգ, սննդարար մթերքներին, հատկապես մանկահասակ երեխաների, հղիների եւ կերակրող մայրերի, տարեցների եւ ռիսկի այլ խմբերի ներկայացուցիչների համար»,- նշված է Գուտերեշի գրառման մեջ:
Նա կոչ է արել աջակցություն ցույց տալ երեխաներին, որոնք այլեւս հասանելիություն չունեն դպրոցական սնունդին: «Ներկայումս այս խմբի թվաքանակը կազմում է մոտ 352 միլիոն մարդ»,- նշված է փաստաթղթում:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
Ով ինչպես է սիրում Հայաստանը
94 տարեկանում մահացել է սպարապետ Վազգեն Սարգսյանի հայրը
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...