Ամստերդամի բնակիչները պահանջում են քաղաքի կենտրոնը ազատել սեքս ինդուստրիայի օբյեկտներից
Ամստերդամի կենտրոնը պետք է ազատվի սեքս արդյունաբերության օբյեկտներից, իսկ թեթեւ թմրանյութերի վաճառքը քաղաքում պետք է թույլատրվի միայն թագավորության քաղաքացիներին: Նման պահանջներով, ինչպես հաղորդում են տեղական ԶԼՄ-ները, հանդես է եկել քաղաքի բնակիչների շահերը ներկայացնող կազմակերպությունների միավորումը, փոխանցում է ՏԱՍՍ-ը:
Մոտ ժամանակներս, ըստ ավելի վաղ արված հայտարարությունների, Նիդեռլանդների մայրաքաղաքի քաղաքապետ Ֆեմկե Հալսեմը պետք է հրապարակի քաղաքում զբոսաշրջության զարգացման իր տեսլականը: Նշված պահանջների նախաձեռնողները որոշել են առաջ անցնել եւ ներկայացրել են իրենց առաջարկներն այս կապակցությամբ: «Կորոնավիրուսի համավարակը հստակ ցույց տվեց, որ ՅՈՒՆԵՍԿՕ-ի Համաշխարհային ժառանգության ցանկում ընդգրկված Ամստերդամի կենտրոնը վերածվել է զվարճանքի զբոսայգու»,- նշվում է ակտիվիստների ներկայացված ուղերձում:
«Միայն հիմա ենք մենք գիտակցում, թե որքան շատ բան ենք մենք ստիպված եղել զոհաբերել էժանագին տուրիզմի եւ սեքս ինդուստրիայի օգտին»,- մեջբերում է DutchNews-ը քաղաքացիներից մեկին:- Պարզվում է, որ քաղաքի այդքան գեղեցիկ հատվածն է: Ես կցանկանայի կրկին բնակություն հաստատել այստեղ, եթե նա միշտ մնար այնպիսին, ինպիսին հիմա է»:
Պահանջների հեղինակները նշել են քաղաքացիների, ընկերությունների եւ հյուրերի շահերի միջեւ հավասարակշռության վերականգնման անհրաժեշտությունը: «Բացառապես զբոսաշրջության վրա կենտրոնանալը քաղաքային տնտեսությունը խոցելի է դարձնում, շատ ցածր վարձատրվող աշխատատեղեր է ստեղծում՝ զբաղվածության պահպանման ցածր երաշխիքով»,- նշվում է հայտարարության մեջ:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
Ով ինչպես է սիրում Հայաստանը
94 տարեկանում մահացել է սպարապետ Վազգեն Սարգսյանի հայրը
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
«Գոլդեն Ֆլորենս»-ի արտադրական գործունեությունը կասեցվել է
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...