Զելենսկին գտնում է, որ Պուտինի հետ ուղիղ բանակցությունները անհրաժեշտ են
Ուկրաինայի նախագահ Վլադիմիր Զելենսկին այսօր բացօթյա մամուլի ասուլիս է տվել: Նա անդրադարձել է Պուտինի հետ շփումներին, Նորմանդական քառյակի գագաթաժողով անցկացնելու հնարավորությանը, գերիների փոխանակման, ինչպես նաև Միջազգային արժույթի հիմնադրամից օգնություն ստանալու հարցերին:
«Մենք չենք անտեսում մեր ժողովրդի, անօրինական բռնազավթված մեր տարածքների, Ղրիմի վերադարձի հարցերը», - ասել է Զելենսկին, նշելով, որ Նորմանդական քառյակի բանակցությունները հնարավոր կլինի անցկացնել կորոնավիրուսի համավարակը հաղթահարելուց հետո:
Նա հայտնել է, որ Ռուսաստանի հետ բանակցում են COVID-19 համավարակից հետո գերիների փոխանակում կատարելու համար: Զելենսկին միաժամանակ ասել է, որ անկախ համավարակից, ցանկանում է, որ Ռուսաստանի և Ղրիմի բանտերում պահվող բոլոր քաղբանտարկյալները հետ վերադառնան:
Պուտինի հետ բանակցությունների մասին, Զելենսկին ասել է, թե չնայած հանրության մոտ այդ հարցով տարբեր կարծիքներ կան, բայց ինքը գտնում է, որ ուղիղ բանակցությունները անհրաժեշտ են:
Զելենսկին ասել է, որ առաջիկա օրերին, հնարավոր է՝ վաղը, մյուս օրը, կամ այսօր, հուշագիր է ստորագրվելու Արժույթի միջազգային հիմնադրամի հետ, ինչը կբացի օգնություն ստանալու դռները: Նա ասել է, որ դրա համար ծանր պայքար են մղել, հարկադրված են եղել պայքարել նույնիսկ խորհրդարանում:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
Ով ինչպես է սիրում Հայաստանը
94 տարեկանում մահացել է սպարապետ Վազգեն Սարգսյանի հայրը
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...