Սկսնակ ձկնորսը որսացել է ռեկորդային չափերի ձուկ

Սկսնակ ձկնորսը որսացել է ռեկորդային չափերի սպիտակ Atractoscion nobilis, հայտնում է USA Today պարբերականը:

37-ամյա Բրայան Բիմը ձուկը որսացել է կայակից Կալիֆոռնիայի Դեյն-Փոյնթ քաղաքից ոչ հեռու օվկիանոսում: Նրան հաջողվել է 45 րոպե տեւած պայքարից հետո ջրից դուրս քաշել 1,5 մետր երկարությամբ ձկանը, որը կշռում էր 36,3 կգ: Սա մինչեւ հիմա այդ տեսակի ամենախոշոր ձուկն է, որ որսվել է կայակից եւ կշռել 34 կգ:

Բիմը նշում է, որ երբեք չի որսացել սպիտակ Atractoscion nobilis. «Մինչեւ հիմա իմ տեսած ամենախոշոր ձկները կշռել են 3 ֆունտ (1,3 կգ),- ասում է նա: - Պատկերացրեք իմ զգացումները, երբ հասկացա, թե սա ինչ ձուկ է»:

Ձկնորսն ընդհուպ մոտեցել է ցանկացած սարքերով սպիտակ Atractoscion nobilis որսալու համաշխարհային ռեկորդի, որը պահպանվում էր 1953 թվականից, որբ Մեքսիկայի ափերին որսացել էին 37,98 կգ կշռող առանձնյակի: