Ռուսաստանում վերջին շրջանում առաջին անգամ մեկ օրում կորոնավիրուսով վարակման 9000-ից քիչ դեպք է գրանցվել

Ռուսաստանի 81 շրջանում վերջին մեկ օրվա ընթացքում գրանցվել է կորոնավիրուսով վարակման 8926 նոր դեպք: Այս մասին տեղեկացնում է Ռուսաստանում կորոնավիրուսի դեմ պայքարի օպերատիվ շտաբի թելեգրամյան ալիքը:

Օրվա ընթացքում Ռուսաստանում կորոնավիրուսից մահացել է 91 մարդ, առողջացել` 2836-ը:

Վարակման նոր դեպքեր ամենաշատը գրանցվել են Մոսկվայում` 3238, Մոսկվայի մարզում գրանցվել է 921 դեպք, Սանկտ Պետերբուրգում` 425, Նիժնի Նովգորոդի մարզում` 279, Սվերդլովսկի մարզում` 130 և Սարատովի մարզում`117 դեպք:

Ռուսաստանում համաճարակի սկզբից գրանցվել է կորոնավիրուսով վարակման 290 678 դեպք, վարակման հետևանքով մահացել է 2722 մարդ, վարակվածներից 70 209-ը առողջացել է:

Նոր տեսակի կորոնավիրուսով վարակվածների թիվն ամբողջ աշխարհում 4 819 337 է, մահացել է 316 961 մարդ: Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին: Վիրուսը տարածվել է 213 երկրում: Համաճարակի բռնկման մասին Չինաստանի իշխանություններն ԱՀԿ-ին հայտնել են դեկտեմբերի 31-ին: