Ռուս լրագրողները սպառնալիքներ են ստացել գող Էդիկ Օսետրինայի մասին հոդվածի պատճառով

«Փրայմ Քրայմ» լրատվական գործակալության հասցեին սպառնալիքներ են ստացվել՝ պահանջելով «վարկաբեկող» տեղեկությունները հեռացնել քրեական շրջանակներում Էդիկ Օսետրինա անունով հայտնի «օրենքով գող» Էդուարդ Ասատրյանի եւ նրա կողմնակիցների մասին: Այս մասին հայտնել է lenta.ru-ին հայտնել է գործակալության խմբագիր Վիկտորիա Գեֆտերը:

«Փոխանցեք (կայքի սեփականատիրոջ անունը). եթե նա այդ կեղտը չհեռացնի, ապա մեծ խնդիրներ կլինեն։ Իսկ հետո ինքներդ որոշեք ՝ ես ասում եմ այն, ինչ ինձ խնդրել են փոխանցել։ Հետո դուք ավելի լավ գիտեք, մնացածը կտեսնեք ինքներդ. (...) Դուք շատ վատ թշնամիներ եք ձեռք բերել»,- Գեֆտերի խոսքով՝ հնչել են նմանատիպ սպառնալիքներ:

Ինչպես նշել է Վիկտորիա Գեֆտերը, «Փրայմ Քրայմը» առաջին անգամն է այսպիսի պատմության մեջ ընկնում։

Մայիսի 9-ին գործակալությունը նյութ է հրապարակել 36-ամյա Զվիադ Օզմանովի (Զվիադ Թբիլիսսկի) շուրջ ստեղծված իրավիճակի մասին, որին Սալավաթ քաղաքի (Բաշկիրիա) ուղղիչ գաղութի դատապարտյալները օրենքով գող չեն ճանաչել:

Գործակալության տվյալներով ՝ Օզմանովին օրենքով գող չճանաչելու հրահանգը Թիվ 2 ՔԿՀ «պոլոժենեցը» (քրեական հեղինակությունների ներկայացուցիչ) ստացել է Էդուարդ Ասատրյանից (Էդիկ Օսետրինա) եւ նրա շրջապատի մեջ մտնող մի շարք գողերից:: Ասատրյանի եւ նրա կողմնակիցների կարծիքով Օզմանովը սերտորեն համագործակցել է ազատազրկման բոլոր վայրերի վարչակազմի հետ, որտեղ հայտնվել է եւ կատարել է բանտապահների բոլոր հրահանգները:

Մինչդեռ, ինչպես նշում է գործակալության աղբյուրը, նման պահանջներ կարելի է ներկայացնել Օզմանովի բոլոր մեղադրողներին, այդ թվում ՝ հենց Ասատրյանին: Ինչպես գրում է «Փրայմ Քրայմ»- ը, Ասատրյանը պատկանում է «եզակի գողերի թվին, որոնք ազատ տեղաշարժվում են Ռուսաստանում եւ անձեռնմխելիություն ունեն քրեական օրենսգրքի 210.1 հոդվածով («հանցավոր հիերարխիայում բարձրագույն դիրքի զբաղեցում») հետապնդումից, ինչը ապրիորի անհնար է ուժային կառույցների հետ համագործակցությունից դուրս»: