Շոտլանդիայում ցուլը փորձել է քորել իրեն էլեկտրասյանը հպվելով և մոտ 800 տուն է հոսանքազրկել
Շոտլանդական ագարակներից մեկում ցուլը փորձել է քորել իրեն էլեկտրասյանը հպվելով և մոտ 800 տուն առանց հոսանքի թողել, գրում է BBC լրատվականը։
Աղբյուրը մանրամասնում է, որ Հարավային Լանարքշիրից Հեյզել Լոթոն անունով ագարակատիրուհին կովերին կերակրելու նպատակով արոտավայր է եկել ու հայտնաբերել, որ էլեկտրասյուներից մեկի վրայից տրանսֆորմատորը հայտնվել է գետնին։
«Մենք խելք խելքի տվեցինք ու հասկացանք, որ մեր ցուլը էլեկտրասյան մոտ մարմինն է քորել ու տրանսֆորմատորը ցած նետել։ Հատակին են հայտնվել նաև մի շարք այլ հոսանքալարեր»,- նշել է ագարակատերը։
Որոշ ժամանակ անց դեպքի վայր ժամանած ինժեներները հայտնել են, որ պատահարի հետևանքով երեք գյուղի մոտ 800 տուն է առանց հոսանքի մնացել։ Տեղացիների խոսքով՝ տարածքում միշտ էլ շատ կովեր ու ցուլեր են եղել, սակայն նման դեպք առաջին անգամ է տեղի ունենում։ Ագարակատիրուհին էլ, իր հերթին, նշել է, որ պատահարը, հավանաբար, տեղի է ունեցել ցլի մեծ չափերի պատճառով։
Կայքի փոխանցմամբ՝ ինժեներներից խոտանը վերացնելու համար մոտ վեց ժամ է պահանջվել, որի ընթացքում ագարակատիրուհին գյուղի պաշտոնական էջում հրապարակում է արել՝ ներողություն խնդրելով դեպքի համար։ Հրապարակման մեկնաբանությունների բաժնում կարելի է տեսնել, որ մարդիկ ըմբռնումով են մոտեցել կատարվածին։
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
Ով ինչպես է սիրում Հայաստանը
94 տարեկանում մահացել է սպարապետ Վազգեն Սարգսյանի հայրը
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...